sô 2 [o.n.] 1. (v.m.) ancyinne [[Motî:manoye|manoye]] do l' Ancyin redjime, k' endè faleut 24 po fé èn aidant d' Lidje. Divins l' tins, il aveut falou vint-cwate sôs po fé èn aidant d' Lidje et motoit foirdjive-t on adon des pîces di keuve d' on sô (N. Lequarré). F. sou. rl a: [[Motî:doze-sôs|doze-sôs]]. 2. pîce di cénk cintemes bedjes (1830-2001). >> on ptit sô u on simpe sô: pîce di cénk cintemes. on gros sô u: on dobe sô: pîce di dijh cintemes. >> vint sôs: on [[Motî:franc|franc]]. >> cint sôs: cénk francs. >> èn nén aveur nén on pelé sô (u: on vete sô u: on sô vayant): esse sins [[Motî:cwår|cwår]]. >> aveur li sô: esse ritche. >> Ça n' våt nén on sô: ça n' våt rén. >> Djel wadje vint francs conte on sô: dji so seur di çou ki dj' di (on franc valeut 20 sôs). >> I lyi manke todi dijh nouf sôs po fé l' franc: il est todi djus d' sôs (sins cwårs). >> C' est rén d' boere po dijh sôs cwand on wangne on franc: rl a: [[Motî:franc|franc]]. >> esse conoxhou (-owe) come li mwais sô: aveur ene mwaijhe rilomêye. >> il est prope come on sô: il est bén moussî (bén abiyî). >> i rlût come on noû sô: rl a: [[Motî:noû|noû]]. >> I côpréve on sô e deus: il est pice-crosse. 3. pîce di 5 cintemes d' euro. 4. des sôs: des cwårs. I wangne bråmint des sôs. >> il a l' sô: il est ritche. >> I fåt prinde li tins come i vént, et l' sô pa dou çk' i vént: i fåt waitî d' wangnî des sôs, pa tolminme ké moyén. >> Les sôs lyi broûlèt les mwins: i coschire (i furleye) tos ses cwårs. >> I n' fåt nén stoper l' trô pa dou çki l' sô vént: I fåt waitî di n' nén piede èn ovraedje ki rapoite bén, des pratikes k' atchtèt aidant sol mwin, evnd. Franwal: ahåyant po: "Il ne faut pas tuer la poule aux œufs d'or". Disfondowes: sou, sôⁿ, so. Gm so, sou. Etimolodjeye: latén "solidus". Omonime: * [[Motî:sô 1|sô, sôle]] (addj.; k' a trop boevou) ---- Vey eto [[Manoye å vî payis d' Lidje]] [[Categoreye:Motî]]