sôdård u sôdår [o.n.] 1. ome ki va a l' årmêye, et ki s' bate po s' payis. Les sôdårs ki sont mî poirtant endiront å front po esse replaecîs pa des måhaitis, ki seront a leu toû, replaecîs pa des pus måhaitis. ([[E. Wartique & E. Thirionet]]) Vos vs sovnoz do krechef di tos ces gris sôdårds Ki dmoréve dins troes plaeces el grande måjhon Widar ? ([[Louis Piron]]) >> sôres di sôdårs: simpe sôdår, sôdår a pî (F. fantassin.), sôdår a tchvå (F. soldat de cavalerie.). >> sôdår a platene: li ci k' a ene platene (on bouclî) po s' waeranti. >> prumî-sôdår: sôdår ki prind l' plaece do caporå, s' il astchait. >> intrer dins les sôdårs; roter sôdår, aler sôdår: moussî a l' årmêye. >> fé s' tins d' sôdår, fé deus ans d' sôdår: po cwand on fwait s' siervice. >> s' egadjî dins les sôdårs: î aler po-z î dmorer, come mestî. >> abiyî, moussî e sôdår: avou des mousmints d' l' årmêye so s' dos. >> latén d' sôdård: (mot d' linwincieus) patwès latén djåzé pås sôdårs romins k' a dné des mots k' i gn a ezès romans lingaedjes. F. bas-latin. >> On n' fwait nén l' guere so on sôdår près; on n' arestêye nén l' guere po on sôdår: i n' fåt nén s' discoraedjî al prumire piete. >> Gn a nole si grande [[Motî:guere|guere]] k' i ndè schape on sôdår. 2. (imådjreçmint) coraedjeuse djin. >> on mwais sôdår: on [[Motî:schitåd|schitåd]]. F. poltron. >> Ké sôdår !: a) ké coraedjeus ! b) (tot djåzant årvier): ké couyon. F. peureux. >> on bon sôdår: dijheye po ene coraedjeuse feme. 3. grosse djåbe d' avoenne (u troes cwate pitites) loyeyes pås påtes, et dressêyes sol tchamp. Il ont co des sôdårs d' avoenne. On dit eto: [[Motî:båshele|båshele]], [[Motî:marionete|marionete]]. 4. pitit sôdår: pitit doet dins sacwantès [[doetrece]]s. F. auriculaire. | sôdåre u sôdåresse [f.n.] feme sôdår. Le fotos del pitite sôdåresse ki margougnive les prijhnîs amerikins ont fwait l' toû del daegn. Etimolodjeye: femrin sol modes do femrin des cawetes -eu et -î (nos d' mestî), 2002. Mots d' aplacaedje * [[Motî:boton d' sôdår|boton d' sôdår]] * [[Motî:mwaisse-sôdår|mwaisse-sôdår]] ---- So l' eciclopedeye: * [[sôdår|Dipus d' racsegnes so les sôdårs]] * [[efant-sôdår|Dipus d' racsegnes so les efants-sôdårs]]