sôre [f.n.]

1. categoreye d' ene sacwè, categoreye di djin. Li cinsî esteut d' ene sôre di ramexhnantès djins ki n' sont nén a scrandi (P. Maudoux). Les djins si dnént radjoû sol plaece po totes sôres di spôrts (A. Goethals). Il esteut d' soce avou tolmonde ? Oyi, avou les cis di s' sôre, a lu (P. Renson)). Dins l' bwesse, i gn aveut s' kepi, ene sôre di caté avou deus galons, on djaene et on blanc. (H. Matterne). Loukîz a : trepådje, tire. F. "sorte, espèce, acabit, categorie".

2. (pus stroetmint) categoreye di plantes, di biesses, evnd. C' est ene sôre di plante ki n' adeure nén l' solea. Loukîz a : raece, indje. F. "espèce, variété, race ". >> cok do sôre: cok po fé des bates di coks. Li cok k’ est sol drapea walon, c’ est on cok di sore. F. "coq de combat".

3. sacwè. Vos fåt aler tot doûçmint, ene sôre après l' ôte. Loukîz a : tchôze. F. "chose". >> La co ene ôte sôre !: la co ôte tchoi. F. "autre chose". >> tote sôre: bråmint des sacwès. C’ esteut des ptits botikes k’ avént d’ tote sôre. F. "toute sorte de".

4. (mots d’ croejhete) a) djinre d’ on mot. F. "genre". b) categoreye di codjowaedje. Viebes del 4inme sôre. On dit eto : troke. F. "type, conjugaison".

| ene sôre [nén definixhant prono] ene sacwè. Dji vos va dire ene sôre : dismefiyîz vos d’ lu. On dit eto : åk. F. "quelque chose". >>  Dji n’ voe k’ ene sôre : Dji n’ voe k’ ene rexhowe. Dji n’ voe k’ ene sôre : aler dmander ! F. "solution, issue".