sôre [f.n.] '''1.''' [[Motî:categoreye|categoreye]] d' ene sacwè, categoreye di djin. Li cinsî esteut d' ene sôre di ramexhnantès djins ki n' sont nén a scrandi ([[P. Maudoux]]). Les djins si dnént radjoû sol plaece po totes sôres di spôrts ([[A. Goethals]]). Il esteut d' soce avou tolmonde ? Oyi, avou les cis di s' sôre, a lu ([[P. Renson]]). Dins l' bwesse, i gn aveut s' kepi, ene sôre di caté avou deus galons, on djaene et on blanc. ([[H. Matterne]]). Loukîz a : [[Motî:trepådje|trepådje]], [[Motî:tire|tire]], [[Motî:cogne|cogne]]. F. "sorte, espèce, acabit, categorie". '''2.''' (pus stroetmint) categoreye di plantes, di biesses, evnd. C' est ene sôre di plante ki n' adeure nén l' solea. Loukîz a : [[Motî:raece|raece]], [[Motî:indje|indje]]. F. "espèce, variété, race ". >> cok do sôre: cok po fé des bates di coks. Li cok k’ est sol drapea walon, c’ est on cok di sore. F. "coq de combat". '''3.''' [[Motî:sacwè|sacwè]]. Vos fåt aler tot doûçmint, ene sôre après l' ôte. Dji sai ene sôre : vos n' rivénroz todi nén après meynute u vs åroz l' ouxh seré. Loukîz a : [[Motî:tchôze|tchôze]], [[Motî:cayet|cayet]]. F. "chose". >> La co ene ôte sôre !: la co ôte tchoi. F. "autre chose". >> tote sôre: bråmint des sacwès. C’ esteut des ptits botikes k’ avént d’ tote sôre. F. "toute sorte de". >> d' ene sôre a l' ôte: tot s' ocupant di sacwants cayets. Trovans l' moyén di ragrawter, d' ene sôre a d' ôte, nosse boune santé (vîs papîs, 1634). '''4.''' (mots d’ [[Motî:croejhete|croejhete]]) a) [[Motî:djinre|djinre]] d’ on mot. F. "genre". b) categoreye di [[Motî:codjowaedje|codjowaedje]]. Viebes del 4inme sôre. On dit eto : [[Motî:troke|troke]]. F. "type, conjugaison". | ene sôre [nén definixhant prono] [[Motî:ene sacwè|ene sacwè]]. Dji vos va dire ene sôre : dismefiyîz vos d’ lu. On dit eto : [[Motî:åk|åk]], [[Motî:kéke tchôze|kéke tchôze]]. F. "quelque chose". >>  Dji n’ voe k’ ene sôre : Dji n’ voe k’ ene rexhowe. Dji n’ voe k’ ene sôre : aler briber ! F. "solution, issue". >> Cwand c' est nén ene sôre, c' est l' ôte : dijhêye po ces cis ki n' sont djamåy contins. F. "pertépuel insatisfait". == Disfondowes == sôⁿre, sôⁿte, sôⁿrte, sôte, soûrte, soûte. == Hårdêyes divintrinnes == * [[djinre|Dipus d' racsegnes so les sôres des sustantifs]] * [[troke di viebes|Dipus d' racsegnes so les sôres di viebes]] * [[Nén definixhant prono|Dipus d' racsegnes so les nén definixhants pronos]]