sacré, sacrêye '''I.''' sacré, satré u sapré; sacrêye, satrêye u saprêye [addj., metou padvant] '''1.''' dins ene fråze de [[Motî:sclamaedje|sclamaedje]], mostere li [[Motî:sbarmint|sbarmint]], tot-z escuzant ene [[Motî:biestreye|biestreye]] A les satrés laids djonnes ! A l' sacré grand fô !. Satré fô veråt ! Sacrés, vos, biesses ! (ramexhné pa [[L. Remacle]]). Sacré nosse popa ! ([[A. Laloux]]). Bén sacré grand waerleu, avou t' mouzon come plinne lune et tes ouys come ene marcote ! ([[R. Matthieu]]). On dit eto: [[Motî:pouri|pouri]]. F. sacré. '''2.''' mostere l' [[Motî:emerveymint|emerveymint]]. Sacré Lucyin, va, avou s' walon ! C' esteut on sacré pourcea. Mins vla k' tot d' on côp i gn aveut pus nolu å Bati po rabressî l' sapré clå ([[R. Limbourg]]). Satrêye feme, cisse Terwagne di Marcourt la ! On dit eto: [[Motî:fameus|fameus]], [[Motî:sfwait|sfwait]], [[Motî:teribe|teribe]]. F. fameux, formidable. 3. mostere l' [[Motî:amwaijixhmint|amwaijixhmint]] (po dire k' on n' est nén binåjhe d' ene sakî). Sacré måssî ptit croté tchén! (ramexhné pa [[L. Remacle]]). Vos alez taire, sacré spitroûle ! ([[M. Colombin]]). I tel fåt vey fé et fé åtoû d' leye, sacré chmerlape ! ([[A. Laloux]]). On dit eto: [[Motî:fotou|fotou]], [[Motî:godi|godi]] di, [[Motî:veråt|veråt]] di, [[Motî:mannet|mannet]], [[Motî:niche|niche]], [[Motî:måssî|måssî]]. F. sacré, maudit, foutu, sale. ''' II.''' sacré, sacrêye I. [addj. metou padrî] k' on doet respecter pask' i rprezinte li [[Motî:Bon Diu|Bon Diu]] (dins les rlidjons monoteyisses), on [[Motî:diè|diè]] (dins les mitolodjeyes). C' esteut ene posturete sacrêye. Por zels, c' est åk di sacré. Les priyesses djwifs foirt rilidjeusni vlént nén k' ene langue sacrêye, l' ebreu, sieve pol toletdjoû . Çoula vos poitrè måleur, Merete, nosse tchete, d’ aler ås nis d’ orondes et d’airtchîs, ca po tos nozôtes, les cinsîs, ces biesses la sont sacrêyes ([[J. Durbuy]]). Loukîz a : [[Motî:sint|sint]]. F. sacré, tabou, sacro-saint. II. sacré [o.n.] çou k' est sacré. I n' fåt nén rire avou l' sacré. | sacramint [o.n.] (rilidjon crustinne) 1. [[Motî:dujhance|dujhance]] sociåle metowe come sacrêye (come li [[Motî:mariaedje|mariaedje]] a l' eglijhe, li bateme, evnd.). F. sacrement. >> fé on schård å sacramint: aler avou èn ôte ome, ene ôte feme ki l' sinne. F. tromper son conjoint. 2. [[Motî:Sint-Sacramint|Sint-Sacramint]]. Li porcession do cwénze d' awousse copléve li cene do Sacramint ([[B. Louis]]). F. Saint-Sacrement. == Parintêye == * [[Motî:consacrer|consacrer]] * [[Motî:disconsacrer|disconsacrer]] * [[Motî:sacraminter|sacraminter]] == Mots d' aplacaedje == * [[Sint-Sacramint]] == Minme sourdant etimolodjike == * [[Motî:sacristeye|sacristeye]], [[Motî:sacristin|sacristin]] * [[Motî:sacrifyî|sacrifyî]], [[Motî:sacrifiaedje|sacrifiaedje]] * [[Motî:sacrifice|sacrifice]] * [[Motî:sacriledje|sacriledje]] == Disfondowes == ;sacré : sacré, satré, sapré, -êye, sâcré(e), sacrè, sacri, sacrî, sâtré(e), sâpré(e). ;sacramint : sacramint, sacrumint, sacrëmant, sacrëmèt. == Hårdêyes divintrinnes == * [[sacwè sacrêye|Dipus d' racsegnes so les sacwès sacrêyes]] * [[Plaeçaedje di l' addjectif|"sacré" est èn addjectif ki l' sinse candje s' il est metou padvant u padrî]] * [[sacramint|Dipus d' racsegnes so les sacramints po les crustins]]