Cisse pådje ci, c' est ene årtchive do pordjet motî (cnoxhou dizo l' rahouca R11) k' esteut-st elodjî so Wikipedia divant di divni l' Wiccionaire.
Pådje : Motî:saedje_1
Date : 2008-09-18T13:02:53Z
Uzeu : Lucyin
Messaedje :
URL : https://wa.wikipedia.org/w/index.php?oldid=144722
saedje [addj., padvant u padrî & o.f.n.]
1. ki schoûte bén, tot djåzant d’ èn efant. Loukîz a : vayant, djinti, binamé, mamé, påjhûle, påjhire, råjhnåve, bråve, coe. La èn efant saedje (Motî d' Djivet). Il a stî saedje e scole (Motî d' Nivele). Elle a prometou d' esse saedje et d' aschoûter ses parints (Motî d' Nivele). Si vos n' estoz nén pus saedje ki ça, Sint Nicolai n' vénrè nén (Motî da Gilliard). F. "sage, docile,obéissant, tranquille". >> saedje come ene andje: u : >> saedje come ene imådje: foirt djinti. >> onn' pout nén dire ki vos estoz saedje, oubén, el fåt dire rade: dijhêye po èn arnåjhe efant.
2. ki tuze bén, a môde d’ on filozofe, tot cåzant d’ ene grande djin. Si vos estoz saedje et bén avizé, èn dalez nén (Motî do Coûtchant walon). Est ç' bén saedje di dner l' veye a èn efant pol mete å djoû dins nosse monde, dins nos traeyins dins nos gueres (M. Robert). Loukîz a : avizant, sûti, precåcioneus, sincieus. F. "sage, prudent, lucide, avisé, censé, prévenu". >> fé saedje (ene sakî): el fé tuzer davance. Ureuzmint k' on m' a vnou fé saedje (Motî do Coûtchant walon). F. "fé réfléchir".
3. malén, sûti. Il est ddja ossu saedje ki s' mwaisse (Motî do Coûtchant walon). F. "instruit, savant". >> on est saedje ki cwand on rvént di scole: djeu d' mot avou "saedje" = djinti, po les efants esse vayants après les scoles.
| saedjesse [f.n.] cwålité d’ onk (ene) k’ est saedje. C' est ça l' sicret del saedjesse (Lao-tseu ratourné pa J. Schoovaerts). Loukîz a : avizance, sûtisté. F. "sagesse".
| saedjmint [adv.] d' ene saedje manire. Dj' a dmoré bén saedjmint a m' måjhon (Motî d' Nivele). F. "sagement".