saetch [o.n.] 1. dobe cwårêye toele, cozowe so troes costé, po-z î mete des grins, u ôte tchoi. On-z aveut fini cwand l' saetch u l' banse estént rimplis di ptitès popenes di påtes bén faxheyes avou l' loyén di strin ([[Yvon Laurent]]). Mågré totes les promesses, li vireus passeu d' aiwe Riboutéve li mariaedje et les saetchs di skelins ([[J. Vrindts]]). Si l' feme å havet vénreut et vos assaetchî e l' aiwe et vos stitchî dins s' grand saetch, ci sereut co ôte tchoi ([[E. Gilliard]]). F. sac. rl a: [[Motî:tîke|tîke]], [[Motî:malkea|malkea]]. >> vudî s' saetch: dire tot çou k' on-z a sol cour. Faléve k' i vude si saetch et cossåyî, on côp po totes, tot çk' i rmawyive sins låtchî dispu des moes et des moes ([[E. Gilliard]]). >> on [[Motî:vû|vû]] saetch ni såreut tni droet. 2. muzeure do rindaedje des grins (100 kilos). Ci tchamp la a rindou dipu d' 50 saetchs a l' ectåre. F. quintal. 3. malete di scolî. On dit eto: [[Motî:caba|caba]]. F. cartable. 4. pitite malete al mwin, po les femes. >> leyî foumer l' saetch: li mete al tere po s' rapoizer. On-z aveut bon d' rapoizer l' tchena et d' leyî foumer l' saetch ([[R. Dedoyart]]). Disfondowes: sètch, satch; Pc. sak. Etimolodjeye: saccu (minme sinse). | saetchêye [f.n.] çou k' gn a dins on saetch. A meynute, li père Noyé, erlujhant come on clå d' keuve po fé des ureus pa banslêyes, vudrè s' saetchêye dins les aistrêyes ([[C. Massaux]]). Disfondowes: sèchêye, sètchèye, satchêye, satchée, satchîye, satchîe. | saetchot [o.n.] pitit saetch. Les pladjes sont griblêyes di saetchot d' plastike. >> T' irès fé des saetchots: t' irès al [[Motî:prijhon|prijhon]]. Disfondowes: sètchot, satchot. | saetchea [o.n.] 1. [[Motî:djezî|djezî]]. On dit eto: [[Motî:malete|malete]]. F. gésier. 2. estoumak do pourcea. Coinrece [[Basse-Årdene]] Parintêye: Mots d' aplacaedje: * [[Motî:cou d' saetch|cou d' saetch]] * [[Motî:saetch-a-l'-air|saetch-a-l'-air]] ---- * [[saetchot d' plastike|Dipus d' racsegnes so les saetchots d' plastike]] * [[dispouye des oujheas| Dipus d' racsegnes so les dispouyes des oujheas (mot saetchea, saetchot)]] * [[dispouye des grossès biesses| Dipus d' racsegnes so les dispouyes des grossès biesses (mot saetch)]] * [[dispouye des pourceas| Dipus d' racsegnes so les dispouyes des pourcesa (et l' mot saetchea)]]