sakî (ene ~) I. [nén definixhant prono] djin k' on n' sait kî k' c' est. Å restorant, c' est des djins pus ki siervûles: ene sakî po prinde vosse paltot, ene ôte po-z atchôkî ene tcheyire dizo vosse cou, et des caramadjoyes, des mirlifitches et des houptatas (G. Belleflamme). S' i gn a ene sakî ki vént po m' rapexhî, dji m' neye (L. Hendschel). Vos estoz ene sakî k' est foirt capåbe dins les lingaedjes (Y. Paquet). rl a: [[Motî:kéconk|kéconk]]. Roumantche: insatgi. II. [definixhant prono] mi, dji (manire di djåzer d' lu-minme, sins aveur l' air di s' vanter). I n' djåze pus avou des sfwaits k' ene sakî (M. Lejoly). Dj' årans des rujhes, mins ene sakî n' a nén vnou å monde d' ouy paret (A. Maquet). Franwal: ahåyant po: "une personne que je connais bien, en l'occurrence moi-même". rl a: [[Motî:onk|onk]], [[Motî:ome|ome]], [[Motî:fô|fô]], [[Motî:sot|sot]]. >> On n' va måy nole pårt, ene sakî: dji n' va måy nole pårt, don, mi, dji n' rexhe nén foû di m' måjhone. Etimolodjeye: mot d' aplacaedje d' ene fråzlete "on n' sait kî". rl a: [[Motî:sawice|sawice]], [[Motî:sadju|sadju]], [[Motî:sacwants|sacwants]].