schaerbote / eschaerbote [f.n.] u : schaerfon / eschaerfon [o.n.] u : schaefion / eschaefion [o.n.] gros noer inseke come ene baloujhe, foirt corant, ki mousse ezès flates, et fé ene grosse bole k' i boute et-z eterer po-z î ponde ses oûs, e sincieus latén "Geotropus stercoralis". Les scarbotes, ti les voes ki boutèt des nuketes di stron ttaleure ttossu grosses ki zeles (L. Mahin). ^[1]On dit eto: mousse-e-stron, mousse-e-brén, mousse-e-flate, cabawin, marixhå. F. "bousier, géotrupe". >> Il årè des pûs come des schaerbotes: mançaedje a on nawe. On dit eto: come des baloujhes. >> Les Schaerbotes: (la-minmes : Les Scârbotes) sipotaedje des djins d' Glaireuse.

Etimolodjeye et tcherpetaedje

schaerbote 

bodje schaerb- (do latén "scarabaeus ") ^[2]; cawete -ote.

schaerfon 

minme bodje, avou ridaedje B / F, cawete -on ^[3]

schaefion 

cawete -ion, avou fondaedje do R, sorlon li rîle des troes cossounes.

Sicrijhas ezès motîs

schaerbote 

scarbote [S24, S107, S109, G208], scârbote [S17] p.336, scarbote / sucarbote [S117], sicarbote [G208], sucarbote [G208], sëcarbote [G208], sècarbote [G208], charbote [G208], tcharbote [G208], tchèrbote [G208], cherbotte [S100] p. 273. ^[4]

schaerfon 

hèrfon [G208], hyèrfon [G208], chèrfon [G208], sièrfon [G208]

schaefion 

hyêfion [G208], chêrfiyon [G208], chèfion [G208], chafion [G208]

Vîs scrijhas :

schaerbote 

escharbot ^[5] .

Sipårdaedje des mots e 20inme sieke

schaerbote 

Coinrece Årdene nonnrece & tchestrolès

schaerfon 

Coinrece Hôte Årdene

schaefion 

Coinrece payis d' Måtche-el-Fåmene

Hårdêye divintrinne

• Dipus d' racsegnes so les scarbotes

Hårdêye difoûtrinne

• Tecse so les scarbotes

Sourdants & pî-notes

1. ↑ Dins Ene Båke, p. 333.
2. ↑ FEW 11, 288b.
3. ↑ FEW 21, 277b.
4. ↑ Loukîz al Djivêye des motîs.
5. ↑ Mot d' "ancyin francès" (Motlî da Anselme, p. 84).