schaesse u eschaesse [f.n.] 1. grande grande [[Motî:pîce|pîce]] di bwès avou ene plakete po mete si pî, k' on ndè prind deus come des crosses, po roter avou, et esse pus hôt (et passer l' aiwe, metans) u aler pus rade. I vont, i rotnut '''a''' schaesses. Les efants s' amuzèt voltî a roter avou des schaesses ([[R. Hostin]]). Les bierdjîs do Payis d' Nameur estént montés so des schaesses ([[E. Dethier]]). On s' atindeut tertos a vir les grossès aiwes; Come on les a sovint, on-z est acostumé; On court didins a schaesses, on è reye d' astampé ([[L. Bernus]]). Des omes so des hôtès schaesses rotnut dins l' aiwe; end a onk k' a èn efant so s' dos ([[H. Petrez]]). Et les djoûs si dxhombrît; leus djambes estént des schaesses ([[A. Lovegnée]]). Dji m' a siervou do walon come d' ene haminde po monter so mes schaesses, po m' mete e valeur et fé djåzer d' mi ([[F. Nyns]]). F. échasse. >> esse monté so des schaesses: aveur des longuès djambes. 2. longue djambe. I n' tént nén so ses schaesses ([[ramexhné pa A. Carlier et W. Bal]]). Il a des schaesses: il a l' air d' on lôlô ([[J. Coppens]]). Il a des fameusès schaesses ([[J. Wisimus]]). On dit eto: [[Motî:cråwe|cråwe]], [[Motî:sikeye|sikeye]]. F. guibole. >> Avou tes longuès schaesses et tes pîs come des samwinnes: dijhêye a on grand [[Motî:londjin|londjin]]. Etimolodjeye : [[etimolodjeye tîxhone|tîxhon]] "skakja" (Ny. schaats patin). [[Imådje:Lessive_rowe_schaessiis.jpg|thumb|Rowe des Schaessîs a [[Lessive]]]] | schaessî 2 u eschaessî 2 [o.n.] 1. [[Motî:schaesseu|schaesseu]]. >> Rowe des schaessîs: rowe di [[Motî:Lessive|Lessive]] 2. sôre d' oujhea avou des pates come des schaesses. F. échassier. Parintêye : * [[Motî:schaessî 1|schaessî (viebe), schasseu]] * [[Motî:schaester|schaester]] ---- * [[schaesses|Dipus d' racsegnes so les schaesses et les schaesseus]] * [[schaessîs|Dipus d' racsegnes so les schaessîs (oujheas)]]