siclimbe, esclimbe / sclimbe [f.n.] '''1.''' gros bwès bén droet, on mete a on mete et dmey et dmey long, nén findou. Nos irans cweri nos sclimbes å bwès do tins k’ i djale ([[J. Guillaume]]). Les sclimbes sont metowes dressêyes dins l' for ; li pus foite tchåleur va dner do fier di meyeuse cwålité ([[C. Massaux]]). Li comere avize deus belès sclimbes les vni stamper et les stitchî padrî l' tcherete, po l' pleur wårder a plat ([[C. Denis]]). Il adouye ene tronce di tchinne ki n' a cåzu pont d' åbon et i rsoye ene siclimbe k' i disgroxhit avou ene hepe divant del poirter su s' toû a bwès ([[L. Gengoux]]). Loukîz a : [[Motî:rondin|rondin]], [[Motî:clepere|clepere]], [[Motî:bwejhe|bwejhe]], [[Motî:schene|schene]], [[Motî:schinete|schinete]], [[Motî:schete|schete]]. F. "rondin, grande bûche, étai". '''2.''' (pus stroetmint, mot d' houyeu) [[Motî:boket|boket]] d’ bwès, 3 a 5 cm lådje, et 1,20 a 1,80 m. long, po mete so les måjhires di fråle tere, u po rfé les plafonds d' ene taeye ki s' leyént aler. [[Achille Van Calsteren]] "[[Hû pol djoû (motlî)|Hû pol djoû]]", p. 55. El tcherpinte dischind do pilé sol voye ; les béles, å toet, shuvnut l' inclinåjhon, marcant les havêyes, erloyeyes dins l' ôte sinse pa les sclimbes ([[F. Callaert]]). Dins « [[Fosse (prôzes)|Fosse]] ». F. "lambourde". '''3.''' (mot d’ houyeu) ancyinne muzeure di l’ ovraedje d’ èn ovrî d’ taeye ki valeut 1 mete 60. Cisse samwinne, dj’ a fwait deus béles et ene sclimbe. '''5.''' coide ki raloye les pîces d’ on [[Motî:hourdaedje|hourdaedje]] (k’ a dandjreus replaecî on bwès del minme longueur). | siclimbaedje u esclimbaedje / sclimbaedje [o.n.] totes les sclimbes des galreyes di fosse å tcherbon. Berlurete, li copixhe diveut rassonrer l' copixhî, sorwoeyî les sclimbaedjes et les cintraedjes ([[C. Coulonval]]). F. "soutènement". == Etimolodjeye et tcherpetaedje == ;sclimbe : bodje climbe, [[rissaetchante betchete si-]], sins climbe (nén scwåri). ;sclimbaedje : [[cawete -aedje]] == Mots d’ aplacaedje == * [[Motî:sclimboigne|sclimboigne]] * [[Motî:sclimbos|a sclimbos]] == Sicrijhas ezès motîs == ;sclimbe : sclimbe [O0, C1, C100], (è)sclimbe [O104], sclémbe [C106], nén dins E1. ;sclimbaedje : sclimbâdje [O0], (è)sclimbâdje [O104] [[Djivêye des motîs do walon]]. == Parintaedje == * [[Motî:climbe|climbe]], [[Motî:climbea|climbea]], [[Motî:climbete|climbete]] * [[Motî:climbyî|si climbyî]] * [[Motî:sclimbyî|sclimbyî]], [[Motî:sclimbiaedje|sclimbiaedje]] == Hårdêyes divintrinnes == * [[houyire|Dipus d' racsegnes sol climbaedje dins les houyires]] * [[bwès d’ mene|Dipus d' racsegnes so les sclimbes dins les fosses]] == Sourdants et pî-notes ==