sikelin u eskelin / skelin (v.m.) 1. viye pîce di manoye ki valeut dijh sôs d' Lidje. Li skelin valeut dijh patårs (N. Lequarré). F. escalin. 2. des skelins: des [[Motî:cwårs|cwårs]]. >> des bons skelins: des aidants sol mwin (des sôs e likide, nén des tchekes). Vos fotoz d' mi ? Rén k' des bons skelins ! On prind et on paye sins ratinde (J. Schoovaerts). Franwal: ahåyant po: "des espèces sonnantes et trébuchantes". >> Dji n' di nén deus messes po on skelin: a) Dji n' repete nén deus côp l' minme cayet; b) dji n' fwai nén ene deujhinme ovraedje pol minme payaedje. >> Kî s' live matén wangne des skelins; kî s' live tård wangne des patårs: I s' fåt lever matén, si on vout bén wangnî s' crosse. Franwal: ahåyant po: "Le monde appartient à ceux qui se lèvent tôt". rl a: [[Motî:cwårs|cwårs]]. Disfondowes: skèlin, (è)skèlin, (è)scalin. Etimolodjeye: tîxhon "skilling", "schelling", "schilling", "shilling": (viyès manoyes di l' Inglutere, Almagne, Otriche), volant dire "sacwè ki xhiltêye", do viebe "schellen" ([[Motî:xhilter|xhilter]]); rl a: [[Motî:chelin|chelin]]. ---- * [[manoye å vî payis d' Lidje]]