Cisse pådje ci, c' est ene årtchive do pordjet motî (cnoxhou dizo l' rahouca R11) k' esteut-st elodjî so Wikipedia divant di divni l' Wiccionaire.
Pådje : Motî:sitoele
Date : 2008-12-17T21:01:56Z
Uzeu : Lucyin
Messaedje :
URL : https://wa.wikipedia.org/w/index.php?oldid=153613
sitoele u estoele / stoele [f.n.]
1. coir ciryin, ki rglatixh del nute, come ene pitite ponte e cir et ki c’ est on solea metou mierlon del Daegne. Des stoeles, end a-t i mnou el grande sitårêye (A. Maquet). Cwand l' noerixheur kimince a tchaire et ki dj' voe lure les stoeles, dji rwaite li bwejhe ki broûle dissu les rodjès braijhes (R. Tabareux). F. "étoile". >> les stoeles xhinèt des dints: ele ni sont nén catcheyes di nûlêyes, ey ele lujhèt foirt. Cwand les stoeles xhinèt les dints, c' est sene di djalêye (ramexhné pa M. Anselme). >> li lingaedje des stoeles: doûce creoyance so les stoeles. C' est ene djupsyinne ki lyi a-st aprins l' lingaedje des stoeles (C. Denis).
2. ôtes coirs ki rglatixhnut e cir. C' esteut ene sitoele ki vneut d' fini s' coûsse et k' aveut kiyî l' cir (Guillaume Smal). Loukîz a : schitante sitoele, stoele a cawe, Stoele do bierdjî.
3. pitite riglatixhante sacwè (come des spites di fier). Ès goyî taxhlêye ostant di spites di raetchon ki les meyes estoeles ki s' evolnut d' ene clame k' on rsôde (L. Lecomte).
4. grande vedete. Todi avou les grands nos del muzike, E. Ysaye aveut divnou ene sifwaite sitoele so tote li bole (A. Howaerts). On dit eto : står.
| sitoelî u estoelî / stoelî [o.n.] cir, rwaitî del nute, avou totes les stoeles. Les avions n' låtchént nén di fé des skerlaxhes dins l' sitoelî, et télcô leyî tchaire des bombes so ls oujhenes (J.L. Fauconnier). F. "firmament, ciel".
| sitoeloe u estoeloe / stoeloe [o.n.] sitoelî. F. "firmament".
| sitoelreye u estoelreye / stoelreye [f.n.] troke di stoeles. F. "constellation".
Coinreçmint : siteule (çou ki dmeure des dinrêyes après l’ awousse)