sitoele u estoele / stoele [f.n.] '''1.''' coir ciryin, ki [[Motî:riglati|rglatixh]] del nute, come ene pitite ponte e [[Motî:cir|cir]] et ki c’ est on [[Motî:solea|solea]] metou [[Motî:mierlon|mierlon]] del [[Motî:Daegne|Daegne]]. Des stoeles, end a-t i mnou el grande sitårêye ([[A. Maquet]]). Cwand l' noerixheur kimince a tchaire et ki dj' voe lure les stoeles, dji rwaite li bwejhe ki broûle dissu les rodjès braijhes ([[R. Tabareux]]). F. "étoile". >> les stoeles xhinèt des dints: ele ni sont nén catcheyes di nûlêyes, ey ele lujhèt foirt. Cwand les stoeles xhinèt les dints, c' est sene di djalêye (ramexhné pa [[M. Anselme]]). >> li lingaedje des stoeles: doûce croeyance so les stoeles. C' est ene djupsyinne ki lyi a-st aprins l' lingaedje des stoeles ([[C. Denis]]). >> fé li stoele: dessiner ene sitoele avou des brantches. '''2.''' ôtes coirs ki rglatixhnut e cir. C' esteut ene sitoele ki vneut d' fini s' coûsse et k' aveut kiyî l' cir ([[Guillaume Smal]]). Loukîz a : [[Motî:schitante sitoele|schitante sitoele]], [[Motî:stoele a cawe|stoele a cawe]], [[Motî:Stoele do bierdjî|Stoele do bierdjî]]. '''3.''' pitite riglatixhante sacwè (come des [[Motî:spite|spites]] di fier). Ès goyî taxhlêye ostant di spites di raetchon ki les meyes estoeles ki s' evolnut d' ene clame k' on rsôde ([[L. Lecomte]]). '''4.''' grande vedete. Todi avou les grands nos del muzike, E. Ysaye aveut divnou ene sifwaite sitoele so tote li bole ([[A. Howaerts]]). On dit eto : [[Motî:står|står]]. '''5.''' dessin d' on ceke avou des brantches. >> sitoele di David: u >> sitoele ås shijh brantches: essegne do peupe djwif. | sitoelî u estoelî / stoelî [o.n.] '''1.''' cir, rwaitî del nute, avou totes les stoeles. Ene sikernaxhe di feu a schiré li stoelî d' on sinzorî a l' ôte ([[E. Gilliard]]). Drî les tacons, dins l' estoelî, el lune riyeut a nos rguignî ([[R. Mayence]]). Dire k' i gn a des reves å stoelî Et sol voye, des bouneurs a code, Et k' on s' tchene po on rustelî, Adon k' l' eure edåmêye est houte ([[J. Mathot]]). F. "firmament, ciel". 2. cir, do djoû. Les avions n' låtchént nén di fé des skerlaxhes dins l' sitoelî, et télcô leyî tchaire des bombes so ls oujhenes ([[J.L. Fauconnier]]). Li stoelî scheut ses blankès lagnes et refaxhe les tchamps, les bwès, les prés ([[A. Bodart]]). F. "ciel". >> li [[Motî:gordene|gordene]]° do stoelî. | sitoeloe u estoeloe / stoeloe [o.n.] sitoelî. Alans vey les stoeles ås stoeloe ([[Fond di dnêyes di l' Årdene nonnrece]]). F. "firmament". | sitoelreye u estoelreye / stoelreye [f.n.] troke di stoeles. F. "constellation". == Parintaedje == * [[Motî:sitoeler|sitoeler]] == Mots d’ aplacaedje == * [[Motî:sitoele a cawe|sitoele a cawe]] * [[Motî:Sitoele do bierdjî|Sitoele do bierdjî]] * [[Motî:schitante sitoele|schitante sitoele]] == Omofoneye == Coinreçmint : [[Motî:siteule|siteule]] (çou ki dmeure des dinrêyes après l’ awousse) == Ôte rishonnant mot == * [[Motî:står|står]] == Disfondowes == ;stoele : s(i)twèle, (è)stwèle, s(i)teule, s(u)twâye, s(ë)twale, s(i)tûle, (è)stwaye. ;stoeloe : s(i)twèlwè, (è)stwèlwè, s(i)teuleu, s(u)twâyoû, s(ë)twaleu, s(i)tûleu, (è)stwayoû. == Hårdêyes divintrinnes == * [[stoele|Dipus d' racsegnes so les stoeles]] * [[stoelreye|Dipus d' racsegnes so les stoelreyes]]