sitrûler u estrûler / strûler (codjowaedje) I. [v.c.] 1. prinde ene påte di dinrêye, et l' cafroyî inte di ses deus mwins, po fé vni les xhos. I gn a-st el mer d' Irlande, ene iye batowe des vints; on gros boket d' granite tapé å mitan d' l' aiwe, tot csemé d' cayåds k' el bon Diu strûla inte di ses mwins (J.P. Dumont). F. égrener. >> sitrûler les orayes: les froter avou ses mwins, di dvant en erî, et k' ça fwait må (po pûni les efants). Si vs n' estoz nén vayants, dji vs sitrûlrè les orayes. 2. kimiyter (do pwin). Dji strûle on boket d' pwin po les ptits moxhons (L. Pirsoul). F. émietter. 3. plouzer (del linne). Li matrassî strûle li linne divant del bate (L. Pirsoul). F. étirer, carder. 4. ridobler (bate ene sakî, ene biesse). F. rosser, étriller. II. si strûler [v.pr.] divni a groumiotes, a tot ptits bokets. Li tere si brijhe, si strûle et håle (ramexhné pa J. Haust). F. s'émietter. Disfondowes: s(i)trûler, s(i)trîler, s(u)troûler, s(u)trîyer, s(u)trîyè. Etimolodjeye: bodje latén "tribulare" (kischeure), betchete s(i)- refoircixhante (bén coscheure).

Parintêye:

• trûlêye (brijheye, bokets d' pwin trimpés).
• kitrûler.