soû [o.n.] soû d' l' ouxh grosse plate pire metowe dizo èn ouxh d' intrêye. T' aveus des viyès djins ki berdelént sol soû d' l' ouxh di lodjete ([[Raymond Honoré]]). Elle esteut disso l' soû d' l' ouxh dispu on moumint, come ene pierdowe ([[Paul Gilles]]). On dit eto: apas. >>  Intrez don, ni dmorez nén sol soû: no d' ene gazete e walon amontêye pa [[Richard Joelants]] et [[François Nyns]] e 2000. Disfondowes: soû, sou, sû, su, së, sè, miersipepieuzmint el mape A.L.W. 4.18 ey el notûle ALW 4.34 | soûmint [o.n.] 1. bastixhaedje k' ene grosse sacwè va vni dso. rl a: sorsoûmint. F. base, assise, soubassement . 2. (tecnicmint) tot sistinme ki des ôtes sacwè vinèt dso. I sufixh d' aveur ene fonte electronike; l' aroke, c' est cwand gn a pont d' soûmint efoirmatike l' alfabet tafinaxht (P. Sarachaga, 2003). F. base, support . 3. (imådjreçmint) tote idêye ki des ôtès atuzes vinèt dso. F. base, fondement. | soûmintrece [addj.] ki rote come li soûmint d' ene sacwè. F. basique, fondamental . >>  coleur soûmintrece: coleur ki, tot s' maxhant, fijhèt les ôtès coleurs, dj' ô bén: li djaene, li rodje eyet l' bleu. Etimolodjeye : addjectif fwait avou -rece sol mot "soûmint", 2002.