L' sorèt (saurèt) èst on pèxhon èring k' a stî sètchi à l' fumêre.

"Tins dèl guêre, m' popa è fiève pinde à sètchi au-dzeu dèl plate bûze. Nos lès mougnîne, èt mète lès èrièsses dissu l' costé, k' is èstîne sitindus dissu ène gazète ployîe è 4. Is èstîne si craus k' nos è n' avîne li minton tot rilûjant... (I m ' faut èto dîre ki m' moman n' avéve pont d' agrès po l' dècorâcion èt avéve râde fait. Li ronde take rissatchîye, deus bokèts d' griyâdje èt lès pèxhons s' ritrovîne rostis, l' pia tote crèvaudêye....) Mmmm, avou dès canadas à l' pèlake èt ène nokète di bûre do Nwâr Martchi... Èt lès ptits bokèts à réze dèl tièsse auzès djanès ouy... Ké rafîyemint ! Dji n' è nn' a måy dispû ritrové l' gos'. Asteûre, dizo l' plastik is sont bén trop sètch... Po c'ki èst d' mète à cûre dès tot frèche dins l' cûjène èt z-è wårder l' odeûr à pårti avou lès vijins..."