sovronde [o.n.] 1. [[Motî:pene|pene]] do toet (pårteye do toet ki vént foû des meurs). Dizo les sovrondes, djinteyès arondes, Fijhoz vos amours påjhirmint, sins tapaedje, Po k' i nos vegne ses spitants ptits djonnes Dins èn an, bén seur, so l' difén d' avri ([[H. Lerutte]]).F. auvent. 2. plate [[Motî:viene|viene]] ki rashît sol meur, et kel tcherpinte est basteye disso. Li sovronde, c' est l' bwès ki tént les meurs des deus costés (ramexhné pa [[J.M. Pierret]]). F. panne sablière. 3. dins les gregnes: poutrele metowe sol meur do gurnî, et kel [[Motî:berôdî|berôdî]] et l' [[Motî:hourdi|hourdi]] rashidnut dsu. 4. båre do toet d' on [[Motî:toetea|toetea]]. Vs avîz la, metowes djondant s' ene l' ôte, ene céncwantinne di ptitès hobetes, tertos pareyes, avou leu blanc tchapistrea et des campigne-gaz agritchîs al sovronde ki loumént tote li plaece ([[L. Mahin]]). F. tube métallique. 5. plate poutrele di fier, po les otos passer dso. Pu l' otocår a rdemaré i il a monté come so des sovrondes di fier k' ont bardouxhî å passaedje des rowes (L. Mahin). F. poutre métallique. Disfondowes: sovronde, sovrande, souvronde, souvrande, sorande, soufronde, sèronde, sivronde, sivrande; Gm. civrante, servante; [[scrîta|vî scrijha]]: soffrante (1734). Etimolodjeye: latén "suggrunda" (boket des plats toets ki vént fou do meur, po vudî l' aiwe di plouve evoye). ---- * [[tcherpinte|Dipus d' racsegnes so les les sovrondes del tcherpinte]]. * [[gregne|Dipus d' racsegnes so les sovrondes des gregnes]].