sipér u espér (ambedeus råles) spér (pacô minme après cossoune) I. [o.n] djin k' est moite, mins ki rvént sol tere, sins coir, po fé sogne ås vicants. Les calins n' voeyèt måy di spérs (J. Dejardin). Li spér di cwand dji vs racontéve, c' esteut ene loumrote (W. Marichal). Gn aveut on spér avå l' fagne ki s' pormoennéve e fôme di fabrike. On dit eto: rivnant, rivnåd. F. fantôme, revenant, esprit.

II. [addj., todi padrî] ki n’ egzistêye nén, u k’ egzistêye, mins k’ on n’ voet nén. La co ene " emission spér nén dins l' lisse des emissions di « Vivacité » (A. Gauditiaubois). Loukîz a : forveyou. F. fantôme. >> veye espér: veye k’ i gn a pus nouk k’ î dmeure. Tot d' on côp, djusse après l' crestea d' såvlon, vo nos la aplonkés å fén mitan d' on viyaedje-espér (L. Mahin).

Etimolodjeye: latén spiritus (esprit).