swele [o.n.] dinrêye avou on longou [[Motî:strin|strin]] et on ptit fén grin, ki vént bén dins les pôvès teres ([[Motî:såvlon|såvlon]] et [[Motî:schayisse|schayisse]]), e sincieus latén, Secale cereale. E l' Årdene, dinltins, on n' magnive ki do pwin di speate u do pwin d' swele. Avou li strin d' swele, on fjheut des toets et des tchetoeres. On seméve sovint do swele dins les trucreyes. On dnéve do setch swele a respirer ås tchvås k' avént les brontches tcherdjeyes. On-z ecråxhive les coshets avou do swele ([[J. Boulard]]). I n' magnèt k' do pwin d' swele et des canadas ([[Motî d' Djivet]]). On fjheut des loyéns po loyî les djåbes avou do strin d' swele. Li pwin d' swele est pus macasse kel pwin d' frumint ([[P. Defagne]]). Po l' awousse, li fåtcheu esteut shuvou pa ses aidants ki rlevént l' djavea, el coûtchî so on loyén fwait avou do strin d' swele et î fé des djåbes ([[Georges Michel]]). On dit eto: [[Motî:rigon|rigon]], [[Motî:waessin|waessin]], [[Motî:blé|blé]], [[Motî:grin|grin]]. F. seigle. >> Li swele voet voltî s' mwaisse eraler; u: i fåt kel swele vos voeye raler cwand vos l' avoz semé: I nel fåt nén rcatchî dtrop. >> Li swele ès seme dins l' poussire, eyet l' grin dins les broûs: El fåt semer cwand i fwait setch. >> fé pesteler l' swele påzès biesses: ancyinne tecnike ki replaecive li rôlaedje, po kel swele ki leve [[Motî:sitocler|sitokele]]. Disfondowes: swèle, swale, swèye, swaye, swâye, swane. Vîs scrijhas: soille (1330), soile (1305). Etimolodjeye: patwès latén "secale" (minme sinse). Coinrece Payis d' Dinant, [[Eter-Sambe-et-Mouze]], [[Bote di Djivet]], [[Basse-Årdene]]. {| ALIGN="CENTER" CELLSPACING=0 BORDER=0 |- | WIDTH="33%" VALIGN="TOP"|[[Imådje:swele1.jpg]] | WIDTH="33%" VALIGN="TOP"|[[Imådje:swele2.jpg]] | WIDTH="33%" VALIGN="TOP"|[[Imådje:swele3.jpg]] |- | COLSPAN="3" ALIGN="CENTER"| A hintche: hayon d' swele (aireye ås pastekes); å mitan: les vetès påtes; a droete: ene maweure påte (poirtraits saetchîs pa L. Mahin). |} Parintêye: * Mot d' aplacaedje [[Motî:swele-frumint|swele-frumint]] ---- * [[swele|Dipus d' racsegnes sol swele]]