[[Imådje:swele1.jpg|thumb|hayon d' swele (aireye ås pastekes)]] [[Imådje:swele2.jpg|thumb|les vetès påtes do swele]]
swele [o.n.] dinrêye avou on longou [[Motî:strin|strin]] et on ptit fén grin, ki vént bén dins les pôvès teres ([[Motî:såvlon|såvlon]] et [[Motî:schayisse|schayisse]]), e sincieus latén, Secale cereale. E l' Årdene, dinltins, on n' magnive ki do pwin di speate u do pwin d' swele. Avou li strin d' swele, on fjheut des toets et des tchetoeres. On seméve sovint do swele dins les trucreyes. On dnéve do setch swele a respirer ås tchvås k' avént les brontches tcherdjeyes. On-z ecråxhive les coshets avou do swele ([[J. Boulard]]). I n' magnèt k' do pwin d' swele et des canadas ([[Motî d' Djivet]]). On fjheut des loyéns po loyî les djåbes avou do strin d' swele. Li pwin d' swele est pus macasse kel pwin d' frumint ([[P. Defagne]]). Po l' awousse, li fåtcheu esteut shuvou pa ses aidants ki rlevént l' djavea, el coûtchî so on loyén fwait avou do strin d' swele et î fé des djåbes ([[Georges Michel]]). Nosse Batisse est d' bén måva pwel; l' oraedje d' ersè, ça frè co flaxhî les sweles ([[G. Themelin]]). On dit eto: [[Motî:rigon|rigon]], [[Motî:waessin|waessin]], [[Motî:blé|blé]], [[Motî:grin|grin]]. F. seigle.
>> Li swele voet voltî s' mwaisse eraler; u:
>> i fåt kel swele vos voeye raler cwand vos l' avoz semé: I nel fåt nén rcatchî dtrop.
>> Li swele ès seme dins l' poussire, eyet l' grin dins les broûs: El fåt semer cwand i fwait setch.
>> fé pesteler l' swele påzès biesses: ancyinne tecnike ki replaecive li rôlaedje, po kel swele ki leve [[Motî:sitocler|sitokele]].
[[Imådje:swele3.jpg|thumb|left|ene maweure påte]]
Etimolodjeye: erî-rfwait [[Etimolodjeye latene|latén]] "secale" (minme sinse).
Mot d' aplacaedje
* [[Motî:swele-frumint|swele-frumint]]
----
* [[swele|Dipus d' racsegnes sol swele]]