taesson I. [o.n.] 1. biesse ås tetes, ki magne did tot, avou des noerès royes so ene blanke cote, ki vike dins les bwès et dmorer dins ene [[Motî:terêye|terêye]] et k' a des blancs et noers poys, e sincieus latén Meles meles. Nos esténs come on taesson dins s' trô, cwand il î dmeure po-z ivierner ([[L. Mahin]]). F. blaireau. >> doirmi come on taesson: si dispierter tård. Dj' è respond k' il åront doirmou come des taessons, tos les tchots, cisse nute la ([[L. Mahin]]). Mins to pous bén pinser, a cénk eures å matén, Nannan doirmeut come on taesson ([[A. Henin]]). >> pôve taesson ki n' a k' on trô: i fåt todi aveur dipus d' ene rexhowe po vni mwaisses des rujhes del vicåreye. Loukîz a: [[Motî:rinåd|rinåd]], [[Motî:sori|sori]]. >> Li Taesson: no d' ene plaece di Brinne-Tchestea. 2. (imådjreçmint) foirt londjin ome. F. lourdaud. 3. foirt mannete feme. F. souillon. 4. feme ki vout todi cmander. F. mégère. Etimolodjeye: [[etimolodjeye gayele|gayel]] "tasgo". II. Taesson [n.dj.] no d' famile di Walonreye, vinant d' on no sobricot, sicrît e francès Tasson, Tesson. III. taesson d' Amerike [o.n.] pus grande sôre di taesson, e sincieus latén Taxidea taxus. Disfondowes: tèsson, tasson, tasson, tachon, tachron, tachô; Gm tachon; miersipepieuzmint el mape [[A.L.W.]] 8.14. ey el notûle 8.31. | taesnire [f.n.] trô d' taesson. F. tanière. >> Li Taesnire, Les Tasnires: no di des plaeces di Djanmioû, Salazene (Spontin) (so plaece: Li tasnêre), Lamortawe, Belfontinne-el-Gåme (so plaece: La tachnière), Tintnî, des Libins, di Frôhan (so plaece: La tachnire), Tchekion (so plaece: Les Tasnières), des Awirs (so plaece: tèsnîre), di Francortchamp (so plaece: tisnîre). Disfondowes: tèsnîre, tisnîre, tachnîre, tasnêre; Gm Tachnière. | taessone [f.n.] mere di taesson. F. blairette. | taesnea [o.n.] djonne di taesson. Etimolodjeye: [[cawete -ea]], [[noûmot|2005]]. ---- * [[taesson|Pondants et djondants sol taesson d' Urope]] * [[taesson d' Amerike|Pondants et djondants sol taesson d' Amerike]]