tchåforner (codjowaedje) [v.c.]

1. (mot d' tchåfornî) broûler dins on tchåfor, ovrer dins on tchåfor.

2. broûler pår. L' ignire a vnou kekyî mes ouys Foû d' on feu k' on leyeut ndaler; On moncea d' coxhes et d' moitès foyes, Aflaxhî, cåzu tchåforné (B. Louis). F. carboniser. Loukîz a: ecrahyî.

3. (mot d' cinsî) tchåfer et broûler cåze do fermintaedje (pol fôraedje, li farene, evnd). On stitche on baston dins l' farene po l' espaitchî d' tchåforner. Si on mete trop d' foumî, on tchåfornêye les raecenes.

4. (mot d' bokion) souwaedje pår, et trop rade, come en on tchåfor. Crener l' schoice d' ônea po nén k' ele tchåfornêye. Do tchåforné bwès.

Etimolodjeye: viebe fwait so l' mot tchåfor (passer dins on tchåfor).

| tchåfornaedje [o.n.] no d' fijhaedje et no di çou k' est fwait (accion eyet si adierça) pol viebe "tchåforner".

| tchåfornumint [o.n.] (mot d' cinsî) tchåfornaedje (tchåfaedje pa fermintaedje).