[[Categoreye:Nos d' famile del Walonreye|Tchårlî]] tchårlî, tchårlire I. [o.f.n.] li ci ki fwait des tchårs; si feme. Ça costêye tchir di cmander åk å tchårlî. Mi tayon esteut tchårlî et il aveut des ovrîs; foice k' i tchårlotént al leccion, il avént des pratikes dins tote li Walonreye ([[L. Mahin]]). D' å lon, li tchårlî aveut etindou bråmint do disdut, et, do côp, il a adviné k' ene des rowes do tchår ki s' amoennéve esteut disferêye ou bén toirdowe ([[L. Gengoux]]). Loukîz a : [[Motî:tcheron|tcheron]]. F. "charron". II. Tchårlî [n.dj.] no d' famile del Walonreye, ki si scrît, asteure, Charlier, Charlie.  Li 13inme pus corant no el [[Walonreye]], li 2inme el [[Province di Lidje]] ([[Live des nos d' famile del Walonreye da Germain et Herbillon]]). == Parintaedje == * [[Motî:tchårloter|tchårloter]] == Sourdants & pî-notes == == Hårdêye divintrinne == * [[tchår|Dipus d' racsegnes so l' ovraedje des tchårlîs]] ---- tcheron [o.n.] 1. [[Motî:tcherieu|tcherieu]] avou on tchår. Guståve fijheut li tcheron et il aveut on gros foirt tchivå po moenner ås pires foû des cårires del Målaiwe ou ås voyes di hoye do Maket, a Hologne ([[M. Hicter]]). Ene poize pus tård, i rvént so ene tcherete å deus rowes trinnêye pa on xhalé tchvå poûssif k' il a volé a on målureus tcheron ([[F. Barry]]). Adon, li tcheron vneut saiwer les bwès martchands ([[G. Lucy]]). Tins ki dj' tuzéve insi, on grand long tchår, råyî pa deus fornouris roncins, amonta vier mi; li tcheron, on grand foirt gayård, m' aporçuvant, s' aprepia ([[A. Nicolet]). Ele s' end aperçuva et lyi revoya on sorire, parey å côp di scoreye ki l' tcheron dene å tchvå po l' fé escourci ([[J.P. Dumont]]). Li tcheron apoirtéve li porvuzion d' hoye ki nos tapént, å pus abeye, a grands côps d' trouvale pal lårmire del cåve([[G. Mottard]]). F. "transporteur". >>  K' est çk' on tcheron ? On tchet k' a bouté s' mouzon e s' dirî ! advinea (i faleut comprinde "tchet rond"). >> Les cabårets lon rî des viyaedjes, Les tcherons ås longs voyaedjes, Les tchesseus ås djibî såvaedje, C' est troes cuzéns djermwins Ki n' front djamåy rén: spot po mostrere troes mestîs ki n' nourixhèt nén leu-z ome. 2. [[Motî:tchårlî|tchårlî]]. Li pere del djonne feye, marixhå d' mestî, sins halkiner lontimp, i rassonne les troes tcherons kel vlént maryî; i lzî dit :"Li ci d' vozôtes ki m' sårè fé li tchveye li pus bele årè l' båshele ([[B. Jacob]]). F. "charron". == Sipårdaedje e 20inme sieke == po vey li spårdaedje des deus sinses d' après viyaedjes, loukîz l' [[PALW]] III., mape & notûle 4. == Hårdêyes divintrinnes == * [[tcheron (tcherieu)|Dipus d' racsegnes so les tcherons (tcherieus)]] * [[tchår|Dipus d' racsegnes so les tcherons ki fwaiynut des tchårs]]