tchôdron [o.n.] 1. usteye di manaedje, gros pot di [[Motî:scroufier|scroufier]], di [[Motî:keuve|keuve]], avou ene coviete, po cure l' amagnî dvins. On fjheut ça dins des tchôdrons d' keuve. Mi tchôdron est trawé sol costé ([[M. Francard]]). Metoz l' tchôdron e feu po fé l' cabolêye ([[F. Deprêtre et N. Nopère]]). Lambiet, fijhoz çki vs vloz, alez a cfesse; neglidjîz vosse tchôdron; båyîz, gretez vosse fesse ([[C. Wérotte]]). rl a: [[Motî:mårmite|mårmite]], [[Motî:casrole|casrole]]. F. marmite, chaudron. >> On n' est måy noeri ki pa des noers tchôdrons; u: C' est todi l' crama ki dit å tchôdron "Noer cou !": li ci ki dit do må des ôtes, il est co pus noer ki zels. Franwal: ahåyant po: On n'est jamais sali que par de la merde. >> aveur ene tiesse come on tchôdron: aveur må s' tiesse d' esse hodé, d' aveur trop boevou, a cåze k' i gn a trop d' brut. >> avou s' vî tchôdron, elle end årè on noû: dijhêye po ene djonne feme ki nd a maryî on vî: cwand i serè moirt, elle e rmareyrè on djonne avou l' eritance. >> c' est dins les vîs tchôdrons k' on fwait l' meyeute sope: sipot po dire k' ene feme k' est ddja d' ådje "va co bén". Loukîz a: [[Motî:cafè|cafè]]. 2. [[Motî:saeyea|saeyea]] a [[Motî:buze|buze]] On rmouyive li lindje tot vudant d' l' aiwe dissu avou on tchôdron a buze, po n' nén vudî a costé. 3. tchôdronêye. Mete cure on tchôdron d' aiwe. 4. [[boton d' ôr|boton d' ôr]] (fleur). Les tchamps sont rimplis d' tchôdrons ([[J. Coppens]]). Loukîz a: [[Motî:cou d' tchôdron|cou d' tchôdron]]. F. renoncule. | tchôdronêye u tchôdnêye [f.n.] '''1.''' çou k' gn a ådvins d' on tchôdron. Dj' aveu fwait ene grosse tchôdronêye di sope, et elle est ddja tote evoye ([[M. Francard]]). Al fén, prinde on coloe, li loyî do mî k' on pout, et coler tote li tchôdronêye djusk' a tant k' ça n' gote pus (ricete del djelêye di petches ramexhêye pa [[L. Mahin]]). F. chaudronnée, casserolée. '''2.''' (pus stroetmint) [[Motî:cabolêye|cabolêye]] po les pourceas. On arindja ene plaece po Polite e vî cina, al copete do forni, la wice k' on cujheut l' tchôdnêye da Adofe, li pourcea ([[G. Ghys]]). | tchôdronete [f.n.] pitite casrole. Il amoennént l' marinde ås tchamps dins ene tchôdronete. | tchôdronet [o.n.] tchôdronete. == Tcherpetaedje == ;tchôdron : bodje : "[[Motî:tchôdire|tchôdire]]", [[cawete -on]] (pitite tchôdire). ;tchôdronêye, tchôdnêye : [[cawete -êye]] ;tchôdronete : [[cawete -ete]] ;tchôdronet : [[cawete -et]] == Parintêye == * [[Motî:tchôdronî|tchôdronî]] * [[Motî:tchôdire|tchôdire]] == Disfondowes == ;tchôdron : tchôⁿdron, tchôdron, tchondron, côdron, tchoûdron. ;tchôdronêye, tchôdnêye : tchôⁿdronêye, tchôⁿdnêye, tchôdronée, tchoûdrounée.. ; tchôdronète : tchôⁿdronète, tchôdrunète, tchôdurnete. == Hårdêye divintrinne == [[boton d' ôr|Dipus d' racsegnes sol (cou d' ) tchôdron (li fleur)]]