[[Imådje:tchame.jpg|250px|right|]] tchame 1 [f.n.] 1. (v.v.m. d' tchårlî, di cinsî, di tcheron) tchaeke des pîces di bwès ki fjhèt l' djante des rowes di bwès, sotnowes på bindadje di fier, et ki s' astokèt so les rais. Les rowes di tchår avént shijh tchames, les cenes di berwete, cwate. Po fé ene rowe, li tchårlî fwait des rais, on moyoû et des tchames ([[E. Pècheur]]). I fåt ene tchame po deus rais. On dit eto: [[Motî:djante|djante]]. F. jante de bois. >> sitoker ene tchame: î emantchî les rais. Po stoker ene tchame, on xhorlêye les tchames avou l' xhore (ramexhné pa [[J. Haust]]). >> aveur li dos come ene tchame: esse vôssé do dos, copurade cwand on dvént vî. D' ene pitite feme foirt vôssêye, on dit: avou s' dos, on freut ddja one bele tchame (ramexhné pa [[E. Pècheur]]). 2. tchame d' on pousse rond soûmint d' on [[Motî:pousse|pousse]], k' on bastixh li [[Motî:siponte|sponte]] disso. 3. tchame d' on sployon bwès ki toûne å dvant do [[Motî:siployon|sployon]], la k' on clawe li fier. 4. >> aveur ene sacwè e tchame: aveur ça ki toûne dins l' tiesse (come des tchames metowes ene dirî l' ôte po fé ene rowe). Ciste idêye la, c' est ene idêye ki nel cwite nén; il a ça e tchame ([[Guy Belleflamme]]). On dit eto: e [[Motî:trexhe|trexhe]]. F. idée fixe. Etimolodjeye : bodje [[etimolodjeye gayele|gayel]] "cambo" (ki toûne). Coinrece [[Lidje et Årdene]]. | tchamlou, tchamlowe [addj. & o.f.n.] 1. k' a des crombès djambes (des djambes come des tchames). Il est tchamlou, il a stî faxhî so on tonea ! On dit eto: [[Motî:årvô|årvolou]], [[Motî:schavler|schavlé]]. F. cagneux. 2. må fwait, crawieus, tot djåzant d' on meube, d' èn emantchaedje. F. bancal. | tchamteu [o.n.] tchårlî fijheu d' tchames. | tchamler [[Codjowaedje shofler|Codjowaedje]] [v.s.c.] aler d' [[Motî:bihaire|bihaire]], roter [[Motî:cron|cron]] (come li ci k' est tchamlou). I tchamele å roter (ramexhné pa [[J. Haust]]). Sitindaedje do sinse: * [[Motî:tchame 3|al tchame]] (sins k' on n' s' î atinde) * [[Motî:tchame 4|tchame]] (djeu d' efants) Parintêye: * [[Motî:ritchamter|ritchamter, ritchamler]] * [[Motî:distchamter|si distchamter, si distchamler]] Minme sitok etimolodjike * [[Motî:tchamter|tchamter]] * [[Motî:tchame 2|tchame]] (comike, enondeu dins ene soce) --- [[rowe di bwès|Dipus d' racsegnes so les rowes di bwès]]