tchandele [f.n.] 1. [[Motî:bordon|bordon]] d' cire avou on fyi å mitan (li [[Motî:witche|witche]] u l' [[Motî:lignoûle|lignoûle]]), k' on-z esprind å dzeu, po s' [[Motî:loumer|loumer]]. Loukîz a : [[Motî:cidje|cidje]], [[Motî:boudjiye|boudjiye]]. F. chandelle.. >> Les Tchandeles: ôte no del fiesse del Tchandleuse. >> tini l' tchandele: esse la dabôrd ki des hanteus vôrént bén esse tot seus. F. jouer les chaperons. >> Dji n' esteu nén la po tni l' tchandele: Dji n' sai nén çou k' il ont fwait (po djåzer d' galants). >> divizer avou s’ galant foû tchandele: sins k’ i gn åye ene sakî a costé. C’ esteut bén l’ prumî côp k’ elle aveut ene miete l’ocåzion di dvizer avou s’ galant foû tchandele ([[J. Thiry]]). F. dans l’intimité. >> beneye tchandele: tchandele beneye a l' eglijhe al tchandleuse, et ki waerantixheut disconte del tonwere. F. chandelle bénie. >> esse come ene tchandele sins metche: esse flåwe (fwebe). Kî est ç' del fåte si nos n' avans stî k' des tchandeles sins metche ? ([[L. Sohy]]). 2. baston d' glaece ki pind après on toet, cwand il a rligné, pu rdjalé. F. chandelle de glace. >> djaler a tchandeles: [[Motî:djaler|djaler]] foirt. | tchandlé [o.n.] usteye po-z î tchôkî ene u sacwantès tchandeles, k' î dmorèt bén droetes. Sol djivå, inte on potiket å toubak et on tchandlé d' keuve, on bondiu d' bwès sitind ses bresses ([[A. Marchal]]). F. chandelier. | tchandleur u tchandleuse [f.n.] fiesse des crustins li 2 d' fevrî, la k' on benixh des tchandeles k' on wåde tote l' anêye. F. chandeleur. >> Cwand i lût so l' åté al Tchandleuse, li rnåd rmousse dins s' bôre po shijh samwinnes; u : >> … l' oûsse rimousse dins s' trô …; u : >> Cwand l' ourson voet si ombe al tchandleuse, i rmousse a s' trô po shijh samwinnes: spot po-z anoncî l' tins do moes d' fevrî et l' kiminçmint d' måss, a ' assulon do tins k' i fwait l' 2 d' fevrî. >> Al tchandleuse; l' ivier pleure u rprind vigueur; les djoûs sont ralonguis d' ene eure: == Etimolodjeye et tcherpetaedje== ;tchandele : bodje [[Etimolodjeye latene|latén]] "candere" (broûler). ;tchandlé : [[cawete -é]]. == Disfondowes == ;tchandele : tchandèle, tchondèle, tchondële, tchandèye, tchondèye; miersipepieuzmint el notule [[A.L.W.]] 3. 191. ;tchandlé : tchandlé, tchanl'lé, tchondlé, tchandèyî, tchandlî, tchandlè. ;tchandleuse : tchandleuse, tchondleuse, tchâdleuse, tchandloûse, Pc. candleuse, chandleuse; miersipepieuzmint el mape [[A.L.W.]] 3. 64 ey el notule 3. 191. ;tchandeleur : tchandleur, tchâdleur, tchandleu, tchâdleu; Pc. candleur, candleu; miersipepieuzmint el mape [[A.L.W.]] 3. 64 ey el notule 3. 191. == Hårdêyes divintrinnes == * [[tchandele|Dipus d' racsegnes so les tchandeles]] * [[tchandleuse|Dipus d' racsegnes sol fiesse del tchandleuse]] [[Categoreye:Motî]]