tchife [f.n.] boket del tiesse metou inte les ouys et l' babetch, inte li narene et ls orayes. On ptit bouname, avou des tchifes totès rodjes (M. Dethier). Tot d' on côp, les tchås di s' vizaedje s' avént tinkyî; les nuketes des tchifes briként foû des mashales (L. Mahin). Pu il aprindént li spot et vni, al prumire dijhinne, plaker ene petante båjhe so les tchifes da Zande. F. joue. rl a: mashale; rl a: tchafyî. Disfondowes: tchife, tchîfe. Etimolodjeye: vî tîxhon kifel (mashale). Coinrece Grand payis d' Lidje.