Cisse pådje ci, c' est ene årtchive do pordjet motî (cnoxhou dizo l' rahouca R11) k' esteut-st elodjî so Wikipedia divant di divni l' Wiccionaire.
Pådje : Motî:temognî
Date : 2008-05-01T22:03:19Z
Uzeu : Lucyin
Messaedje :
URL : https://wa.wikipedia.org/w/index.php?oldid=127649
temognî (codjowaedje) [v.s.c.] aler come temon divant on tribunå. On dit eto : "esse come temon". Il a vnou temognî conte mi. Loukîz a : acertiner, mostrer. F. "témoigner".
| temognaedje [o.n.] no d' fijhaedje et no di çou k' est fwait (accion eyet si adierça) pol viebe "temognî". On-z a des bons temognaedjes so vosse conte (Motî da Forir). Come Transene fwait pårteye do ban di Viyance, il a falou ndaler rcwester l' sordjant k' aveut ses apårtumints dins l' tour fôrtifieye di Viyance; c' est lu k' a vnou fé l' constat et rçure les prumîs temognaedjes (E. Benoit). F. "témoignage". >> fås temognaedje: temognaedje d' ene sacwè kel temon sait bén k' ci n' est nén l' veur. Il a fwait on fås temognaedje (Motî d' Bastogne). >> diner temognaedje; u : >> rinde temognaedje: temognî, tot fjhant s' messaedje tant k' i fåt. I gn ourit èn ome, ki l' Bon Diu evoya; si no esteut Djhan; i vna po dner temognaedje del loumire, po k' tot l' monde ouxhe li fwè por lu (Evandjîle da Sint Djhan, ratourné pa J.M. Lecomte).
Viebe fwait sol sustantif "temon", avou l' cawete -yî, pu rimagnaedje del trole on.yî => ognî.