{{djermon motî}}
tins (ki passe) [o.n.]
1. [[Motî:durance|durance]] des sacwès. Eployîz bén vosse tins, tins ki vs estoz djonnes ([[J. Wisimus]]). Vos eployîz må vosse tins. Li tins distrût tot. F. temps., Ingl. time; Ny. tijd..
>> Avou l' tins: tot crexhant. , avec le temps, , Avou l' tins, i dvént pus ome. Avou l' tins, i lyi vénrè del mostatche ([[J. Wisimus]]). Avou l' tins et l' pacyince, on vént a bout d' tot. F. progressivement, graduelleemnt, petit à petit.
>> Ça n' a k' on tins: c' est ene [[Motî:passe|passe]], ene môde. F. vogue..
>> aveur bén l' tins:
a) èn nén esse pressé. Il a bén l' tins d' rawårder .
b) aveur bén l' moyén. F. être dans l'aisance.
>> èn nén aveur li tins: esse pressé. Dji n' a nén l' tins ça. Dji n' a nén ene munute di tins da minne.
>> On a mî l' tins ki l' moyén: dijhêye (po rire) d' onk ki n' fwait rén.
>> prinde li tins: èn nén esse pressé. Ça prind do tins d' arindjî l' corti.
>> Cwand on n' a nén l' tins, on l' prind; u:
>> Ti prindrès bén l' tins d' mori !: dijhêyes po onk ki dit k' i n' a nén l' tins, ki boute tofer.
>> I fåt prinde li tins come i vént; u:
>> I fåt prinde li tins come i vént et les djins po çk' i sont: i n' si fåt nén casser l' tiesse po les canlaedje des djins, i n' fåt nén [[Motî:transi|transi]] po des réns. F. profiter; ne pas s'inquiéter..
>> I lyi è fåt, do tins !: Il est tårdou.
>> si dner do bon tins: u:
>> passer do bon tins: bén viker. rl a: [[Motî:bontins 2|bontins]] (gaiye djin).
>> li tins m' shonne long: dji m' [[Motî:anoyî|anoye]].
>> awè l' tins long:; u:
>> aveur long l' tins:
a) s' anoyî. Vo t' la cwandminme; ki dj' a yeu l' tins long !
b) ratinde ene sacwè k' on s' rafeye. Il a l' tins long d' vey si mame. Dj' a l' tins long del rivey. F. attendre avec impatience.
>> awè l' tins long après ene sakî: si [[Motî:diloujhî|dloujhî]] k' ele est evoye. Dj' a si l' tins long après vos. F. s'ennuyer de (qqn qui vous manque).; Ingl. to miss
>> piede si tins; u:
>> touwer l' tins; u:
>> passer s' tins; u:
>> [[Motî:balziner evoye|balziner l' tins evoye]]°; u:
>> troyler l' tins evoye: sayî d' tchicter po kel tins passe, télfeye estô d' bouter. I fåt bén k' on passe si tins a ene sacwè. I passe si tins po rén. F. tuer le temps, bricoler, s'occuper.
>> Kî piede si tins end a beacôp: c' est k' i n' a waire d' ovraedje.
>> wangnî do tins: u:
>> wangnî tins: tårdjî po fé ene sacwè, tot ratindant mî. F. temporiser.
>> Kî wangne tins wangne veye: Li tins, c' est d' l' årdjint.
>> On n' såreut rwangnî l' tins pierdou: Tins pierdou ni s' ratrape djamåy.
>> må passer s' tins: passer on laid [[Motî:cwårt|cwårt d'eure]]. Si on l' apice, i pasrè må s' tins ([[Motî da Forir|H. Forir]]).
>> N a-t i tant d' tins k' çoula ?: gn a-t i si lontins k' ça ?
>> Li tins court evoye: u:
>> Gn a rén ki va pus vite kel tins: les anêyes passèt raddimint.
>> Il est grand tins: C' est [[Motî:strapant|strapant]].
>> Ns avans co do tins dvant nos: Gn a rén ki [[Motî:broûler|broûle]].
>> les troes [[Motî:cwårt|cwårts]]° do tins: F. la plupart du temps.
>> al dilongue do tins: al longue do tins. F. au fil du temps, à la longue.
>> avå l' tins: tenawete cwand on a ene miete di tins. Dji vos frès çoula avål' tin F. à temps perdu.
>> so waire du tins: u:
>> so rén d' tins: u:
>> so pont d' tins:; u:
>> so pô d' tins: u:
>> disso pont d' tins: u:
>> so rén do monde di tins: raddimint. I lyi a fotuu ene boune deguzene, so rén do monde di tins. Il a morou so si waire di tins. F. en un rien de temps, en moins de temps qu'il ne faut pour le dire.
>> [[Motî:må 2|må]]° pô d' tins: divant pô d' tins. F. bientôt, prochainement, avant peu, sous peu.
>> ostant d' tins: li minme durêye. I fåt ostant d' tins po batijhî on pourcea ki po batijhî on prince
2. [[Motî:moumint|moumint]]. Gn a ddja do tins k' on n' l' a pus veyou. F. temps, moment .
>> gn a on ptit tins: u:
>> gn a ene [[Motî:houbonde|houbonde]]° di tins: gn a on moumint. F. il y a un certain temps.
>> vla on ptit tins: u:
>> a kéke tins did ci: [[Motî:nawaire|nawaire]]. F. dernièrement..
>> rawårder on ptit tins: on moumint. Contråve: [[Motî:lontins|lontins]].
>> on grand long tins: tote ene [[Motî:hapêye|hapêye]]. Il a stî on grand long tins k' i n' vineut pus (ramexhné pa [[L. Remacle]]).
>> gn a bén do tins: gn a [[Motî:lonmint|lonmint]]. On dit eto: gn a des [[Motî:razan|razans]], des [[Motî:razanêye|razanêyes]], des [[Motî:rassieke|rassiekes]]. F. il y a bien lontemps.
>> å dbout d' on tins: après on moumint. F. après un certain temps.
>> a tins: [[Motî:timpe|timpe]] assez.
>> di tins d' eure: [[Motî:timpe|timpe]], di boune eure. On s' levrè d' tins d' eure (ramexhné pa [[L. Remacle]]). rl a: [[Motî:yeure|yeure]]. F. tôt.
>> divant ni tins ni eure: divant l' ådje. I s' ont maryî divant ni tins ni eure. F. avant l'heure.
>> ci n' est nén dvant l' tins: dijhêye a onk (ene) k' on-z a dvou ratinde après lu (leye). Franwal: ahåyant po: Ce n'est pas trop tôt.
>> inte ses tins: cwand i n' a pont d' ovraedje. F. pendant ses moments de loisir.
>> I gn a on tins po tot: dijhêye cwand on continowe a rire, et k' rfåreut esse serieus.
>> I gn a co do tins dvant k' i n' fwaiye nute: response cwand on vs dit d' aler pus rade, F. Ne nous pressons pas..
>> So ç' tins la: so ces etrevéns la. F. pendant ce temps, au même moment, entretemps..
>> tchoezi: tchoezi l' bon moumint. F. temps propice.
>> il est tins: C' est l' moumint. F. le moment est venu.
>> fé ene sacwè so s' tins: å moumint k' i fåt. F en temps opportun.
>> fé ene sacwè foû tins: å moumint k' i n' fåreut nén. F. intempestivement.
>> il est nosse tins po-z eraler: c' est l' moumint d' eraler.
3. [[Motî:trevén|trevén]].
Minme mot :
* [[Motî:tins (k' i fwait)|tins]] (k' i fwait), ingl. weather)
Parintêye :
* [[Motî:timprou|timprou, timprire]]
* [[Motî:timpe|timpe]].
Mots d' aplacaedje:
* [[Motî:bontins|bontins]] (pretins)
* [[Motî:bontins 2|bontins]] (gaiye djin)
* [[Motî:lontins|lontins]]
* [[Motî:cwate-tins|cwate-tins]]
* [[Motî:waeyén-tins|waeyén-tins]]
* [[Motî:meytins|meytins]]
Mots d' etroclaedje:
* [[Motî:dinltins|dinltins]]
* [[Motî:divinltins|divinltins]]
* [[Motî:tinzintins|tinzintins]]
* [[Motî:tinzayeure|tinzayeure]]
* [[Motî:toltins|toltins]]
* [[Motî:soltins|soltins ki]]
Minme sitok etimolodjike
* [[Motî:prétins|prétins]]
* [[Motî:contrutins|contrutins]]
* [[Motî:dismetant|dismetant]]
* [[Motî:termetant|termetant]]