toursiveus, toursiveuse [addj., purade padvant] onk ki tourseye po-z ariver a ses féns, dabôr k' emantche les djins. I vleut rovyî l' toursiveus ki l' aveut ahaetchî dins ç' trô-al-bijhe la. Tchance eto kel bon Diu, li djoû k' a fwait l' feme n 'esteut nén toursiveus: il åreut bén polou, å moumint d' mete li linwe, endè mete deus (J. Rode). Å contråve, dji trovéve les cinsîs pice-crosse, toursiveus, avou sovint pus d' pougns ki d' potches (J.P. Dumont). Loukîz a : lanchtoûne, chôgnåd, fås Djudas, fås Pilåte, vert tchén, vermieus, viermoleus. F. hypocrite, rusé, escroc, filou, sournois, fourbe.

Tcherpinte : viebe "toursyî" (sinse d' emantchî ene sakî) cawete -iveus.

| toursiveuzmint [adv.] d' ene toursiveuse manire. Ces merçunaires la, on lzès lome toursiveuzmint, pa des côps "civils", u " adjint d' surté ", mins i fjhèt a pô près les minmès bouyes ki les sôdårds di l' årmêye eyet del marine des Estats-Unis (L. Mahin). A ç' moumint la, il esteut assoçné avou on anicrotche, kel fijheut bouter nute et djoû, et ki s'arindjive po prinde - toursiveuzmint mins legålmint - totes les ptitès wangnes del soce (L. Mahin). F. hypocritement, sournoisement.

| toursiveusté [f.n.] difåt d' on (ene) tousiveus(e). Elle a l' toursiveusté e coir; ele nos prind po ses sclåves, nos fé fé totes ses olivetes et après, nos aler cdjåzer dé l' patron (L. Mahin). F. hypocrisie, fausseté, méchanceté, dissimulation.