udonbén u oudonbén [adjondrece] refoircixhaedje di “(o)u 1”. Nos soçons, on les etere rouf rouf dins leu capote oudonbén raboulotés dins ene bache, a deus pîs fond po daler pus rade (Willy Bal). Les Djwifs fourît epweznés po l' plaijhi, gazés, oudonbén cûts a cindes ! (D. Trempont). Les vatchlîs s' assoçnèt sovint avou l' vijhén oudonbén avou l' sorodje Houbiet po fé l' fenåve (J. Lahaye). Ossu rade, c' est rastini tote li tchedje k' i fåt fé, oudonbén, ele ireut bôrer dins l' schavea (C. Denis). F. "ou alors, ou en cas contraire".