uzer (codjowaedje)

I. [v.c.] alouwer foirt. Il uze deus pwaires di solés tos ls ans. I n' lyi leyive nén fé les schieles dins l' saiwoe, po nel nén uzer. Loukî a : magnî, boere. F. user >> uzer ses marones so les bancs: aler lontins a scole.

II. [v.s.c.] si distrure pa cafroyaedje. C' est des smeles ki n' uzèt nén.

| uzé, uzêye [addj., purade padvant] alouwé (êye) d' on frotmint. C' esteut des lokes k' estént ddja foirt uzêyes. F. usé

uzeu, uzeuse u uzresse [o.f.n.]

1. li ci (cene) k' uze ditrop ene sacwè. F. gaspilleur

2. li ci ki s' sieve d' ene sacwè. F. utilisateur >> no d' uzeu: no k' on s' enè sieve cwand on boute so on sierveu.

| uzaedje [o.n.] Û

1. no d' fijhaedje et no di çou k' est fwait (accion et si rzultat) pol viebe « uzer ». I fwait des sayes so l' uzaedje des pneus sol beton. Dji n' so nén po l' uzaedje di ç' mot la. F. usure, utilisation.

2. uzance. Ni rovyîz måy sortot ki les vîs oniesses uzaedjes sont todi les meyeus po ctcheryî les manaedjes. (J.J. Renier). Cwand i vôrè aler portchessî après l' prinjhe do leu, come il est d' uzaedje, on côp e l' an, i n' pôrè dmander ki deus sôs d' Tournai (Vî papî, 1428). F. usage, habitude >> droet d' uzaedje: droet di s' siervi d' on bén. Loukî a : oumires.

| uzance [f.n.]

1. uzaedje po ene longue termene, uzaedje d' on mot, d' ene ratourneure el croejhete. L' uzance do prezintoe « ci » sins l' adviebe « la » esteut disconsyî dins l' payis d' Nameur. F. usage, utilisation

2. åbitude foclorike. C' est on live so les uzances et tradicions d' Beldjike : li Sint-Nicolai, li Noyé, l' årchitecteure bedje et tchik et tchak (Y. Paquet). Di kéne uzance est çoula ? (M. Lejoly) F. usage, coutume, tradition

3. politesse, bounès manires. I n' a waire d' uzance avou les djins (M. Lejoly). F. politesse, bienséance

Parintêye :

• måluzance