vexhåd I. [o.n.] [[Motî:biesse ås tetes|biesse ås tetes]], magneuse di [[Motî:tchå|tchå]], del nindje des [[Motî:bascolete|bascoletes]], 20 a 30 cm longue; e latén sincieus: Mustella putorius. Les vexhåds vikèt ttossu bén dins les vîs hangårds et dins les tas d' schinetes; pa des côps, i vnèt ås oûs, mins s' n' atakèt i po dire måy les poyes ([[L. Mahin]]). Mes poyes ni ponèt pus, ubén c' est on vexhåd ki m' hape les oûs ([[Motî d' Vervî]]). Les djins sont ki s' dismoirçulèt, waeraxhes come des såvadjès biesses, come les vexhåds k' touwèt totes les poyes do poli, et ndè mindjî fok ene (G. Spirito). Dj' a ene poye a-z acover Et l' vexhåd mel vout haper (rime-rame ramexhné pa [[J. Calozet]]). Loukîz a: [[Motî:mådrê|mådrê]]. F. putois. >> si fé ploumer come on vexhåd: si fé bate (ås cåtes, evnd) et, sujhanmint, piede tos ses cwårs, et si rtrover come on vexhåd k' on-z a [[Motî:schoircî|schoircî]]. F. se faire battre à platte couture, se faire dépouiller de sa mise. >> criyî come on vexhåd; u: ahouler come on vexhåd; u: boerler come on vexhåd k' on lyi a roté so s' cawe: gueuyî foirt. I tchantént et i xhuflént come deus bouvreus et l' Vessoude ahouléve come on vexhåd ([[G. Lucy]]). Åy, c' est mi, mins ni creye nén come on vexhåd ! Va purade cweri li ptit Batisse ([[G. Lucy]]). F. crier come un putois. >> malén come on vexhåd: foirt malén. >> noer(e) come on vexhåd: tot(e) mannet(e). Elle a rintré noere come on vexhåd ([[Franwal di Cerfontinne]]). >> sinte li vexhåd: flairer (sinti mwais). >> Bate et bate al Sint Linåd; Cawe di vî vexhåd: rime-rame des efants ki batént les coxhes di havurna po fé des canabuzes (ramexhné pa [[J. Thiry]]). II. vexhåd, vexhåde [o.f.n. & addj., purade padvant] 1. malene djin, ki tire todi bén s' plan. N a nén pus vexhåd k' lu ([[Motî d' Nivele]]). F. rusé, futé, renard. >> des iy di vexhåd: des ouys ki mostrèt k' ene djin est malene. F. des yeux malicieux. >> avou del pacyince, on-z atrape bén les vexhåds: djeu d' mot so les deus sinses di vexhåd. 2. (traitant) onk, ene ki vesse mwais, ki flaire, k' est mannet. A l' måssî vexhåd! F. puant(e), souillon. Etimolodjeye: [[Etimolodjeye latene|latén]] "vissio" ([[Motî:flaireur|flaireur]], mwaijhe nodeur), [[cawete -åd]]. | vexhoe [o.n.] 1. vexhåd. F. putois. 2. ome disguijhi dins ene viye uzance di l' Årdene. >> tchessî l' vexhoe: viye uzance li mårdi del dicåce e l' [[Hôte Årdene]] Etimolodjeye : [[cawete -oe]]. Parintêye : * [[Motî:vexhêye|vexhêye]] * [[Motî:vexhåder|vexhåder]], [[Motî:vexhådeu|vexhådeu]], [[Motî:vexhådlire|vexhådlire]] * [[Motî:vexheye|vexheye]] ---- * [[vexhåd|Dipus d' racsegnes so les vexhåds]] * [[tchessaedje do vexhoe|Dipus d' racsegnes sol tchessadje do vexhoe]]