waerbea [o.n.]

1. gros vier ki vént dizo l' pea do dos, et ki rexhe foû pa on ptit trô k' i fwait dins l' pea, ezès moes d' måss, avri et d' may el Walonreye (dinltins, ca l' maladeye a stî dzingneye diviè 1970). F. varron. Ingl. warble. >> tchåfer ses waerbeas å solea: si rpoizer å solea (po s' fé rayi u nén). F. bronzette, bain de soleil. >> Vouss fé rexhe tes waerbeas ?: dijhêye po balter ene sakî ki s' met å solea e bontins.

2. bosse fwait sol dos pa ci vier la.

3. poyowe moxhe, e sincieus latén Hypoderma bovis, ki va rexhe do påpåd-lolô di ç' vier la, et taener l' bisteu å cminçmint d' l' esté, et l' fé bizer. rl a: bizete. F. hypoderme. Ingl. warble fly.

4. tchalon: a) vier del baloujhe. F. man. b) moite tchå å mitan d' on boigne clå. F. bourbillon, éristale.

5. pitite lamproye.

6. traitaedje a måssîte feme, ene laide djin. O l' laid waerbea ! Clô t' gueuye, vî waerbea !

7. (imådjreçmint, mot d' cibernaivieu) sacwè ki s' vént stitchî e voste éndjole, a pårti d' ådfoû et ki l' espaitche di bén aler. F. virus informatique, ver.

Disfondowes: warbê, werbê, werbia, warobia, warabia, warabê, warabin, warabia, warobê, warobé, warobia, warogna; miersipepieuzmint el notûle ALW 8.134.

| waerbåd [o.n.] waerbea.

Disfondowes: wèrbâd, wèrbaud, warbâd, warbaud, wârbâd, waribaud, warëbaud, wèrabaud, warabaud, nwarabaud, waraba; miersipepieuzmint el notûle ALW 8.134.