xhame [o.n.] 1. sitroete tcheyire sins dossire, hôte u basse. xhame di modeu d' vatches a troes pates. rl a: passet (foto); hôt xhame di cåbaret a cwate pates, xhame di caytresse, xhame a ene pate des tchesseus, des taeyeus ås pires, xhame ki toûne mon on docteur, evnd. Dj' esteu, come lu, a pîce so on hôt xhame et dj' loukive les candes atåvlêyes o cåbaret. (J.M. Masset). F. tabouret. >> dimaner cou so xhame: èn nén bodjî po dner on côp d' mwin, esse nawe (feneyant). >> ni måy esse cou so xhame: esse todi a l' ovraedje, n' awè nou rasta. Franwal: ahåyant po: être très actif, toujours affairé. >> aler sol xhame: divou monter sol xhame po esse pindou å djibet, pa stindaedje: esse codåné a moirt. 2. (stindaedje) tcheyire, ashida di tolminme kéne sôre. Prindoz on xhame et s' vinoz addlé l' feu. F. siège. 3. plantche do cabinet. >> dimaner sol xhame: dimorer lontins å cabinet. >> n' awè nè banc nè xhame: esse pôve come Djob. >> mete les cosséns so les xhames: aprester ene bele måjhon, ene boune marinde, po bén rçure ene sakî ki va vni dé vos. Franwal: ahåyant po: mettre les petits plats dans les grands, veiller à la qualité de l'accueil. >> On n' conoxhe les dames ki cwand k' on les tént sol xhame: On n' conoxhe ene feme ki cwand k' on vike avou leye. Disfondowes: hame, chame, hyame, chame (femrin). Etimolodjeye: latén scamnum (banc).

xhame: On n' conoxhe les dames ki cwand k' on les tént sol xhame (vochal, so on hôt xhame di cåbaret) (poitrait saetchî pa L. Mahin).

xhame: xhame des taeyeus ås pires (dessinaedje da P. Defagne, ritchaboré).