xhiner (codjowaedje) I. [v.s.c.] 1. fé des movmints do vizaedje, sovint po s' fote d' èn ôte. Il aveut des mwins come des truveles, avou des gros nouks a ses doets; i vs fijheut xhiner tot vs dinant l' mwin (M. Hicter). F. grimacer. 2. vini briber ås ouxh (tot fjhant des droles di djesses avou l' vizaedje). F. mendier. II. [v.c.] rifé les djesses da kéconk, po rire di lu. Ni xhinoz nén vosse fré ! rl a: rixhiner, xhinårder. F. singer. Disfondowes: chiner, hègnî, chinè. Etimolodjeye: latén simius (sindje). | xhene [f.n.] çou k' mostere li vizaedje do ci, del cine ki xhene. Come i s' tournéve après leye, tot estené, ele lyi fjha-st ene clignete et ene dimeye xhene k' on åreut polou prinde po, on sorire (J.P. Dumont). Ossu vraiy k' ene xhene di mårticot fwait spiyî les muroes, dji vs el di: vos estoz amoreus (A. Maquet). >> Fé des xhenes ås stoeles: esse moirt, esse sitindou sol dos, ça fwait ki l' vizaedje a l' air di fé des xhenes åzès stoeles. Disfondowes: chine, hègne, hène. | xhinêye [f.n.] xhene. Våt mî rire ki tchoûler, li xhinêye est pus bele. Disfondowes: chinêye, chinâye, hègnêye. | xhinåd, e [o.f.n] onk, ene ki critike les djins diri leu dos. Les xhinåds djhént, di vey li ptit minguerlet påpåd ki Miyin aveut yeu sol tård: "Ça arive co bén avou les vîs roncins". (A.Laloux). Disfondowes: chinârd, aude; chinaud, hignâd, hignaurd. rl a: rixhiner. | xhineu, xhineuse u xhenresse [o.f.n.] bribeu(se). Scran, sonkenaiwe, e schape dins ses sandales trawêyes, li xhineu saetche ses djambes tot di long del pavêye (H. Pètrez). Disfondowes: chineû, hègneû.