Sinnète:

Les ptìtes årsouyes

Comèdiye pou des èfants

Dècôr

C' es-st in salon, I gn a in canapè et in fåteuy, ene T, V, avou in magnèto, ene årmwêre a cassètes et l' tèlèfone su ene tchèyêre, I gna branmint des tchinisses pattavå l' sinne,

Les èfants : Kevin : li gamin del måjone;Antwane : li camaråde da Kevin; Cerise : li soû da Amandine; Mèlaniye : li soû da Kevin; Amandine :ene camaråde da Mèlaniye Bruno: li vwayou,

L' istwêre : Kevin et Mèlaniye sont dmèrès tot seûs el måjone, C' est les vacances et leûs parints boutnut,

Sinne 1 : Kevin et Mèlaniye

Kevin et Mèlaniye sont-st achîds dins l' canapé, I wêtnut in dessin animè al tévé, Il ont des biscwîts, des tchips et a bwêre a costè d' zels, Li tèlèfone sone.

Mèlaniye (a s' frère, tot s' lèvant) Kevin, vos plèz bachî l' son, s' i vos plêt! (Ele prind l' tèlèfone, cand l' son est bachî), Allô ? A, c' est vos, moman !... Ayi, nos estans ddja lvès!... Ayi, nos avans ddja ddjunè, anfin, nos l' fians poul momint !... Non, non, non, nos n' wêtans nin l' tèlèvizion!... Ayi, nos alans fè nos dvwêrs, et après, nos frans les bidons !... Non, nos n' frans pont d' bazår, tot dmeurra bin rindjî !... Ayi, dji dîrê a Kevin, k' i n' pout nin djouwè tote li djoûrnêye avou s' sega ! Fuchèz trankiye, moman, tot îra fwârt bin !... Non, nos n' douvrans nin l' uch si ene sakî vint... Ayi !... Ayi ! C' est ca, A ttaleure (Ele rimet l' tèlèfone)(a Kevin) : C' esteut moman

Kevin : Dji m' è douteu ! Qwèsk' elle a dit?

Mèlaniye: Des biestriyes, va, Les minmes biestriyes ki d' abitude ! A chake côp k' ça n' va nin è scole et k' leye elle est vôye boutè, c' est toudi l' minme,

Kevin: Qwè vlèz ! A sn adje, on berdèle toudi pou rin ! (èle va pou rmète li son cand on toke al uch, On-z ètind cåzè å truviè d' l' uch),

Sinne 2 - Kevin, Mèlaniye, Amandine et Cerise

Amandine :(padrî l' uch du fond), Mèlaniye,c' est mi, Amandine !

Mèlaniye : Ratindèz one miyète, dji vos vin douviè ! (èle douve l' uch du fond),

Kevin : (chinård) Mèlaniye, moman a dit k'on n' pleut nin douviè l' uch !

Amandine: Bondjoû, Mèlaniye ! (èlle intère avou Cerise et doner in bètch a Mèlaniye)

Mèlaniye: C' est ça ! Mins cand c' est Antwane ki vint, vos n' dijèz nin ça ! Bondjoû, Amandine,

Kevin: (en fiant ene chinêye), Bèèh! Mi, dji monte dins m' tchambe, Pask' ene feye, ça pout co dalè ! Mins trwès... (i sôrte a gåche),

Mèlaniye: (a Amandine) Ça vos va ? Mins poucwè avèz pris vosse soû, don ?

Amandine : Pask' i m' fåt-z î rwêtî: Ele n' a nin vlu nnaler amon matante Laliye, et c' est mi ki fêt l' baby-sitresse !

Mèlaniye : Qwesk' on-z è va fè ?

Amandine : Ni vos è fyèz nin ! On l' va tchokè dins l' divan avou in lîve, des tchips et in coca, et on sra trankile, Dj' ê amwinrnè sk' i fåt ! (èle moustère in lîve, des tchips et ene bwesse di coca),

Mèlaniye: Ayi, et s' èle fêt d' trop d' brût, oudoubin k' elle est soyante, on l' èvôyera dlé m' frère (a moustrant l' ètadje la-wôt!)

Amandine : (a riyant), Sia, dji n' sê nin s' i sra d' acwârd ! (Pèrdant rwèdmimt si soû), Alèz vos ! Stitchèz vos vêla et k' on n' vos ètinde nin ! (Cerise si mèt dins l' fåteuy avou s' lîve, les tchips et l' coca). (a Mèlaniye) Bon, et asteure, cwèsk' on fêt ?

Mèlaniye : Vnèz avou mi el cûjène, dj' ê l' inviye di fè in gatô !

Amandine : Oh, boune idêye ! Avou du chôcolat?

Mèlaniye : Dj' inmreus mia avou des fréjes ou des caclindjes ! I gn a djustmint çu k' i fåt dins l' frigo !

Amandine : On mètra tot èchone ! Ca n' pout nin yesse mwês ! (Eles rèchnut a drwète).

(a sûre)


Jean-Noël Fays, divins: Novèles des Walons Scrîjeûsd' après l' Banbwès, n° 31, 1996