Li treye

l. Li strin

La paille

Po fé l' trèye, on prind del blé.

Pour faire la tresse de paille, on prend de l'épeautre.

A cåze del måye k' a-st è tèrin d' nosse payis, li blé vint pus blanke k' ôte på.

A cause de la marne qu'il y a dans le sol de notre région, l'épeautre présente une teinte plus blanche quedans d'autre terrains.

Cand l' blé n' rèyussih nin, on s' chèv ossi dè frumint d' måss. I done des pus fins stous, minsi n' valèt nin les cis d' blé : i n' dimorèt nin si blancs, i sont pus reûs, pus målåhis a ovrer, et l' treye k' on fêt avou n' est nin si fwète.

Quand l'épeautre ne réussit pas, on se sert aussi du froment de mars. Il donne de plus fines tiges, mais elles ne valent pas celles de blé. Elles ne demeurent pas si blanches, elles sont plus raides, plus malaisées à travailler, et la tresse qu'on obtient avec ces tiges de froment n'est pas aussi forte.

Divins l' tins, on côpéve li blé avou bêcôp d' atinchon. C' esteût sovint les fèmes ki fivèt ç't ovrèdje la. On s' chèrvéve po çola d' ene sêle et on côpéve pougneye par pougneye; mins c' esteût fwèrt londjin, et oûy on côpe li blé come tos les dvêrs: al fåceye.

Dans le temps, on coupait l'épeautre avec beaucoup d'attention. Ce travail était surtout effectué par les femmes. On se servait pour cela d'une faucille et on coupait poignée par poignée. Mais c'était fort long, et aujourd'hui, on coupe l'épeautre comme toutes les céréales: à la sape (outil intermédiaire entre la faux et la faucille).

Cand l' blé est côpêye, on l' lêt on ptit tins sol tère, a l' êr et å solo, - deûss treus djoûs par ègzimpe, d' après l' tins k' i fêt - pol lèyî curer, surtout si on l'a côpé on pô sol vèrt; et dabôrd, i n' våt rin del côper trop maweûre.

Quand l'épeautre est coupé, on le laisse un petit temps sur la terre, à l'air et au soleil. Par exemple deux ou trois jours par exemple, d'après le temps qu'il fait,et ceci pour permettre à la céréale de sécher, surtout si on l'a coupée un peu sur le vert. Il faut en effet savoir qu'il n' est pas recommandé de la couper trop mûre.

Pwis on ramasse ût', dih, doze pougneyes, tant-et-si-pôk' on vout, po fé des djavês. On les lôye dîzos l' påte et on les dresse. Si on vout fé des djåbes,on lôye treûs, cwate, cink djavês essonle d'après leû groheûr.

Puis on ramasse huit, dix, douze poignées, autant qu'on veut, pour faire des javelles. On les lie sous l'épi et on les dresse. Si on veut faire des gerbes, on lie trois, quatre, cinq javelles ensemble d'après leur grosseur.

Cand l' blé est maweûre, on dresse ût', noûf, dî djavês onk addlé l' ôte et on-z a ene copurnale. Si on n' sét nin dè poleû vnir cwèri l' blé todreût, ou si l' tins n'est nin sûr, on rassonle cwinze, vingt, trinte copurnales ene addlé l' ôte, et on fêt-st on tessê, k' on racoûveûre avou les måvas strins (les ptits, les lêds, les cassés, k' on-z a côpè et ramassé so les orîs del tère), ou pus sovint avou ene tchape di strins d' wassin.

Quand les gerbes sont suffisamment séchées, on endresse huit, neuf ou dix pour faire un dizeau. Si on n'a pas la possibilité de venir rechercher le blé tout de suite, ou si le temps n'est pas sûr, on rassemble quinze, vingt, trente dizeaux l'un près de l'autre, et on fait un petit tas, qu'on recouvre avec les mauvaises pailles. Ces pailles de rebuts sont les petites, les laides, les cassées, qu'on a coupées et ramassées sur les bords du champ. La meule peut aussi être recouverte avec une chape de pailles de seigle.

Cand l' tessê est bin garanti, on l' pout lèyî sol tère cwinze djoûs, treus saminnes, et deus meûs, si on vout. Çola fêt minme dè bin ås stous : i divnèt pus blancs, i candjèt, i fèt leû rdjet è tessê, dit-st-on, et i sont pus åhîs a triyi.

Quand le tas est bien recouvert, on peut le laisser sur le sol quinze jours, trois semaines, et deux mois, si on veut. Cela fait même du bien aux tiges: elles deviennent plus blanches,elles changent, elles " revivent " (litt. font des rejets) dans le tas, dit-on, et elles sont plus facilesà tresser.

Po rètchèrî les stous, on fêt çou k' on lome des onêtès djåbes, loyeyes al tiesse et å cou; on les tchèdje sol tchår ou sol berwète;on les monte sol cåvå è tchapå ou el heûre, et vla les stous rintrés.

Pour ramener les tiges chez soi, on fait ce qu'on nomme des gerbes convenables (litt. honnêtes), liées à la tête et au pied. On les charge sur le charriot ou sur la brouette;on les monte sur le faux plancher ou dans la grange, et voilà les tiges rentrées.

(a sûre)

Henry Frenay, Matthieu Fréson et Jean Haust, divins: Le tressage de la paille dans la vallée du Geer, Archives wallonnes, SLLW, 1922.

Li pådje da Hinri Frenay e rfondou.

Accent original (Glons, Eben-Emael) Prononcez an comme on (cond, blonc, etc.); vn (vni, etc. ) se prononce m'n (m'ni).