Å tins des nûtons

Li trèfe a cate fouyes

Li diâle aveut l' cafård.

Mins, ci côp la, on cafård come i gn a wêre, on cafård di tos les diâles. Dispôye ki Sint Pière aveut rtrouvè one clè do Paradis po remplacer l' cine ki l' diâle aveut on côp foutu èvôye, pol fè arèdji, les afêres n' alint pus.

Li novèle clè do Paradis, c' esteut l' crwè di s' tchaplet k' one viye djint, ki vneut do moru, aveut mètu ol sère dol Grande Uch, divant Sint Pière tot disbåtchi d' awè pièrdu les sinnes, di clés. Et l' Grande Uche s' aveut douviè come rin di tout.

Et c' est ça ki fieut ki rin n' aleut pus, vêla padzo, dins l' grand nwâr et rodje trô k' on lome l' infiêr. Cåzu pus personne ni s' prèzinteut po-z î moussi. Et ça s' comprind. Sul tère, tolmonde aveut oyu racontè l' istwêre dol clè do Paradis; et il estint råres, les cis k' enn avint nin one didins leû potche al eure do moru, puski c' esteut l' crwè d' leû tchaplet.

(a sûre)

A. Marchal, divins: Au timps des nûtons, Dubois et fils, Namur, 1937.

Pådje da Anatole Marchal e rfondou.