Jézus martche sul êwe

Jézus avét nûri des miles et des miles di djins dins l' dèzêrt.

Du côp après, il è oblidjè les dicipes a montè dins ene barkète et analè dvant lu jusk' al ôte des costès du lac, lu tins k' i ravoyrit les djins. Cand les djins ant sté vôye, il è montè dsu ene hoteûr, ariè d' tout, pou priyè.

Cand la nute è arivè, i s' trovét la, tout seû. La barkète astét ddja fôrt lon du bord du lac. Mins l' vant astét contrêre et la barkète su fét bèl et bin kcheûre. La nute astét cåzi houte, cand vla Jézus k' arive å dvant d' zeûs a martchant dsul êwe. Al vèyant martchè dsul êwe, les dicipes nu savint pus cwè. I djint: “ C' es-st un ruvnant ! ” et il avint télmint peûr k' i hoûlint.

Mins sins pus ratinde, Jézus luzî è cåzè: “ Nu vz a fèz pont ! C' est mi ! I n' fåt nin awèr peûr ! ”. Pière è crî: “ Sègneûr, si c' est bin vous k' est la, dunèz m' l' orde du vni jusk' addlé vous dussul èwe ! ” Jézus lî è dit: “ Vinèz ! ”

Pière è dchèdu dul barkète et il è martchè dsu l' êwe pou nalè jusk' a Jézus. Mês, come lu vant chouflét, il è u peûr. Il è cmincè a-z afoncè dins l' êwe. I criyét : “ Sègneûr, såvèz m' ! ” Sins ratinde, Jézus n' è fêt ni ene ni deûs: i lî è stindu sa mwin, i l' è hatchè après lu et i lî è dit: “ Pière, ta fwa est bin coûrte ! Poucwè sku t' t' è dmèfiè ? ” Un côp montès tous les deus dins la barkète, lu vant è tumè. Et les cés k' astint dins la barkète s' ant adgnolè dvant Jèzus et i lî djint “ Vrêmint, vz astèz lu valét du Bon Diu ! ”

V.- Bènichans l' Bon Diu ki vint d' nous cåzè !

R.- Glwâre a Vous, Sègneûr Jézus l

Ratournaedje di l' evandjîle da Sint-Matî pa R. Mouzon, messe e walon, Libråmont, 1996

Cassette audio et vidéo: Hobby-photo, 25, Grand-Rue, Libramont, tel. 061 22 48 39.