Cisse pådje ci, c' est ene årtchive do pordjet motî (cnoxhou dizo l' rahouca R11) k' esteut-st elodjî so Wikipedia divant di divni l' Wiccionaire.
Pådje : Motî:botaye
Date : 2008-06-30T15:17:05Z
Uzeu : Lucyin
Messaedje : Novele pådje: [[Categoreye:Raspepyî årtike do motî|botaye]] botaye Li rfondowe, c' est ene [[sorwalonde]] ([[Coûtchant walon]], [[Sint-Hoube...
URL : https://wa.wikipedia.org/w/index.php?oldid=135422
botaye [1] [f.n.]
1. cantea d' veule, pus hôt k' lådje, sovint ristopé d' on boutchon, po-z î wårder des likides. Li botaye est ddja cåzu vude. Èm boune matante a del bire e botaye, Ç' n' est nén l' faro k' est djamåy si bon k' ça (J. Bertrand). Gn aveut pus k' des srinkes, des brostions d' cigaretes, des vudès botayes, tos rmanants di såvadjès ribotes muchieyes dizo l' paltot del nute (C. Quinet). Alez s' mi cweri l' botaye di Fine k' est å gré del cåve (G. Heusdain). I woeyént dins l' måjhone d' a costé divant ene botaye di peket : li moirt ni pleut todi må d' cori evoye, don (M. Georges). Loukîz a : fletchåd. F. "bouteille". >> pansowe botaye: botaye avou on gros vinte. >> plate botaye: botaye po-z î goler åjheymint. I tetéve on ptit sgoirdjon al plate botaye ki nel cwitéve måy (C. Binamé). >> botaye di cur: grosse boûsse di cur avou on golot, po-z î mete di l' aiwe. End a ossu des ôtes k' ont tot on waxhelmint, ene botaye di cur, on mesplî, des instrumints, ki s' metèt-st en alaedje pa les tiers et voyes po vni disk' a sint Rok (L. Lagauche). F. "gourde". >> boere al botaye: Loukîz a : trûtchî. >> way, c' est des kinikes° e botaye:
2. (pus stroetmint) cantea avou ene tetene å dbout po nouri les påpåds. Dji rwaite vosse pitite-båshele Fene assoctêye dissu l' carpete, Li botaye tcheyowe djus del boke, Les djambes eschåyeyes, sins måhonte (L. Mahin). F. "biberon". [2]
3. çou k' i gn a dvins. On-z a boevou tote li botaye. Loukîz a : sins. F. "bouteille". >> cou d' botaye: çou ki dmeure å fond d' ene botaye cåzu vude.
4. drouke k' i gn a dvins. Il a prindou ene botaye po prudjî. Li docteur m' a-st ordoné ene botaye. Boevoz on coyî del botaye. Dj' a co en botaye po froter cwand on-z a må ses djambes. F. "médicament, potion, lotion".
Sacwès k' ont l' cogne d' ene botaye
5. no d' sacwants fruts k' î rshonnèt a) cou d' tchén (frut do såvaedje rôzî). Les efants vont voltî dins les håyes cachî ås botayes po fé des pwels di séndje Motî d' Nivele). F. "cynorrhodon". b) grosse poyowe gurzale k' on fwait les dorêyes. On dit eto : grefinne. [3] c) peturon. F. "citrouille".
6. amer. F. "vésicule biliaire".
7. pårteye do coir ki prind l' cogne d' ene pansowe botaye. >> prinde del botaye: divni vî avou on gros vinte. F. "prendre de la bouteille". >> sene del botaye: (mot d' årtisse) udinme di dzo l' babetch ås berbis et ås vatches. F. "oedème de l'auge".
8. bouyote di tchôde aiwe k' on mete dins l' lét.
9. damjhele (biesse). F. "libellule". >> diale ås botayes: damjhele. [4]
| di botaye [addjectivire] k' ont stî sterilijhî et metou dins des botayes u de boesses di blanc fier. C' est todi meyeu k' les legumes di botaye (Fond di dnêyes di l' Årdene nonnrece). F. "en conseves".
| botayî [o.n.] ovrî ki fwait des botayes. >> wadjeure di boayî: wadjeure ki l' pierdant rifuze di payî.
botaye, botâye, boutaye, boutâye, botèye, botêye, botéye, botin.ye, boutèye, boutîye, boutîe; miersipepieuzmint el mape ey el notûle A.L.W. 1. 6. [6]