côp [o.n.]

1. bouxhaedje. F. coup, choc. >> a grands côps: foirt. F. allègrement. >> d’ on bea vî côp: foirt. I bouxhe d' on bea vî côp. Dj' a rî d' on bea vî côp. F. franchement. >> li côp ki pete; u >> li côp ki pete et ki n’ crake nén ; u >> li côp ås djaeyes: a) (cwårdjeus) dijhêye cwand on va djouwer ene cwåte ki va decider do wangnant do djeu. F. coup décisif. b) idêye ki schove les ôtes evoye. F. argument décisif. >> si on pôreut rawè s' côp d' cayô !: si on pôreut ricmincî çou k' on-z a fwait. F. si c’était à refaire… >> taper l' côp foû°. >> abate deus djaeyes d' on côp d' warokea°.

2. (pus stroetmint) brut fwait pa ç' bouxhaedje la. F. coup, bruit. >> sol côp d' deus eures: a pô près a deus eures. 2885- côp >> sol côp; u >> sol côp so l' eure: do côp. Dji va rivni sol côp et dji n' vous vey cial ki des vigreus vizaedjes (M. Peclers). On dit eto: sol pî sol tchamp. F. tout de suite, à l' instant même.. >> bouxhî come on côp d’ fizik: bouxhî foirt.

3. (pus stroetmint) coixheure fwaite pa ç' bouxhaedje la. F. coup, blessure. >> Les mwais côps tcheyèt sovint so ene mwaije biesse: Les djins ki sont metchants, c' est zels k' il lsi arive corade des maleurs. >> C’ est co on bea côp dé on laid: on-z a yeu on côp, mins k’ åreut polou esse bråmint pus pire. F. ça aurait pus être plus grave.

4. tchaeke ricminçaedje d' ene sacwè. On dit eto: feye. F. coup, fois. >> î rwaitî a deus côps: si dismefiyî. F. être prudent. >> e côps pareys: dins ces cas la. C' esteut on toû da Gustene, li Crawieuse Agaesse come on l' louméve e côps parey (J. Calozet). F. en pareil cas. >> C’ est l’ prumî côp ki bouxhe: çou ki s’ decide li prumî cop va moenner l’ cayet lontins. >> c’ est on troejhinme côp k’ on voet les mwaisses: dijhêye divant di fé ene troejhinme saye. F. la troisième fois sera la bonne.

| côpreye (v.v.m.) [f.n.] volêye di côps (d' ene clotche). >> souner l' côpreye: souner ene volêye di côps d' ene clotche po-z advierti les djins d' ene sacwè. On dit eto: ricôper. Loukîz a : Côpareye. F. sonner le tocsin.

Parintêye sol minme sinse :

• ricôper

Minme sourdant etimolodjike :

• côper

Mots d' aplacaedje :

• côp d' pî
• beacôp
• pacô, padecô
• tenoncô, tot d' on côp
• a côps
• d' on plin côp