crever (codjowaedje) [v.s.c.]

1. aveur tot fwait d' viker, tot cåzant d' ene biesse, d' ene plante. Loukîz a : mori, souwer, setchi, souwer evoye. F. crever. >> c' est come l' ågne da Clabot ki n' magnive rén et k' a crevé: c' esteut clair ki ça dveut ariver. F. c'était l'évidence même. >> Crevés Tchets: Sipotaedje des cis d' Molinfè.

2. (måhonteus) mori come ene biesse, tot djåzant d' ene djin. Bon Diu d' bonsonk, èn serè dj' rarivé disk' a droci k' po-z î crever ? (E. Wartique & E. Thirionet). >> a crever; u : >> a s' fé crever: foirt, bråmint. Gn aveut des djins a crever. C' esteut djustumint ces deus efants la k' estént voye, ki leus parints s' haeyént a s ' fé crever (J. Calozet). On dit eto : a peri, timpesse. >> gn a a crever avou ça: c' est a n' nén croere (cwand on n' ritrove nén ene sacwè, cwand on n' coprind nén åk k' a l' air biesse, evnd.) F. c'est bizarre, incroyable.

3. trawer (ene gonflêye sacwè). E moes d' octôbe, les djaeyes crevnut leus pelakes po nos priyî d' les ramasser (C. Massaux) F. "crever, percer, trouer, perforer, faire éclater". >> crever s' clå: dire çou k' on rastinéve, po s' solåcyî. F. "crever l'abcès".

4. (pus stroetmint) aveur on pneu trawé. F. subir une crevaison.

| crevé, crevêye

I. [addj. purade padvant]

1. moirt, moite. C' esteut totès crevêyès biesses.

2. pitit. I n' aveut nén l' prumî crevé franc po cmincî. On dit eto : saké, fayé. F. misérable, simple.

II. [adv. divant sacwants addjectifs] foirt. F. très. >> crevé hode, crevêye sicrande: foirt hodé (êye). On est crevé scran del plouve, des broûs et des chlônêyes (E.J. Piret). Loukîz a : moirt, percé. F. très fatigué, mort de fatigue. >> crevé sô: foirt sô. Loukîz a : moirzive. F. complètement ivre. >> aveur si crevé sô di: esse nåjhi ådla di. Li feme end a s' crevé sô d' etinde si ome ronfler (R. Dambly). F. être exaspéré.

| crevaedje [o.n.]

1. no d' fijhaedje et no di çou k' est fwait (accion eyet si adierça) pol viebe "crever". F. "mort". >> les crevaedjes: li nombe di biesses crevêye. F. "la mortalité". >> les crevaedjes: li nombe di biesses crevêye. F. "la mortalité".

2 (pus stroetmint) trawaedje d' on pneu. Il aveut arivé cénkinme, mågré deus crevaedjes (F. Barry). F. crevaison.

| crevant, crevante [addj, todi padvant] ki fwait rire a crever. F. "comique, ".

| creva [o.n.] maladeye (sovint gros matchurea) k' a vnou tot d' on côp, et k' on dit, po balter, k' ele vos va fé crever. Loukîz a: mora. F. grippe.

| crevåde [f.n.]

1. finte dins l' pea, a cåze del crouweur. Cwand t' as todi les mwins frexhes, t' atrapes des crevådes. Loukîz a : sbijheure. F. "gerçure, crevasse".

2. finte dins l' tere a cåze del setchresse, dins ene rotche. Li prétins rmaçnêye les crevådes del tere (J. Mathot) Des crevådes, dijh metes hôtes, ewou çki les aiwes di Tek potchèt tot leyant pinde on bea lonxhea d' årdjint (L. Hendschel). F. crevasse, anfractuosité.

| creveure [f.n.]

1. crevåde. Les deurs iviers toirdèt les coxhes do tchinne et fé des creveures a si schoice (R. Dedoyart). F. "gerçure, crevasse".

2. craeye. I n' fåt k' ene creveure al finiesse Et l' cate del bele Agnesse, Li cour al fiese Court tchessî l' marou e cazer ([E. Wiket]]). F. "fente".

| crevåcion [f.n.]

1. crevaedje. Li gurnouye S' ermowe, s' ertoûne, s' infele, Ertént si bén s'-n alinne, K' ele crevele ès bodene, Fwait ds efôrts et co pus, Et s' eskete disk' å cou; Et sins vos dire pus lon, Finit pa l' crevåcion (P. Sclaubas). F. "mort".

2. (minêyolodjince) nombe di biesses crevêyes d' ene maladeye so ene termene di tins. F. "F. "mortalité animale".