maxhurer (codjowaedje)

I. [v.c.] manni avou åk di noer. C' est del dorêye ås frambåjhes, ki maxheure les lepes. F. souiller, noircir.

II. si maxhurer

1. si manni. I gn'a l' cîr ki s' maxhure, s'apinse k' on dit cwand des nouwêyes arivèt et ki l' cîr esteut bleu. F. se salir.

2. si mete e coleur. Totes les campagnes s' avént ddja maxhuré d' solea, ki c' end esteut plaijhi (C. Denis) F. se colorer.

Disfondowes: machurer, mahurer, machurè, machèrè, machèrer, machërer.

| maxhuré, maxhurêye

1. [addj. padvant & o.f.n.] onk (ene) k' est mannet(e) u k' est noer di pea. Kéne afwaire ! Maxhuré, croté, l' aiwe lyi pixhive foû d' ses bagues (A. Moors-Schoefs). Li djonne comere medcén lyi a fwait des royes et des croes, des djaenes, des rodjes, des noeres pattåvå s' vinte; maxhuré come èn Indyin (G. Renson). >> å Maxhuré: no d' ene plaece d' Ebli.

2. ene miete sô (sôle). F. givré.

3. Maxhuré [o.n.] valet d' pike å djeu do minme no. On dit eto: Nichleus, noer kikich, puwant. F. valet de pique.

Disfondowes: machuré, -êye, machurè, -ée, mahuré.

| maxhuron [o.n.] sûne d' ene sitouve. Elle esteut plinne di maxhuron. F. suie.

| maxhurea [o.n.] noere nûlêye. Dirî on maxhurea, li solea nos fjheut l' nike (D. Lionnet). F. nuage noir.

• Dipus d' racsegnes so les maxhureas et les ôtes nûlêyes.
• Dipus d' racsegnes sol djeu d' cwåte k' on lome "Maxhuré" (valet d' make).