Cisse pådje ci, c' est ene årtchive do pordjet motî (cnoxhou dizo l' rahouca R11) k' esteut-st elodjî so Wikipedia divant di divni l' Wiccionaire.
Pådje : Motî:verbok
Date : 2008-01-12T14:54:13Z
Uzeu : Lucyin
Messaedje :
URL : https://wa.wikipedia.org/w/index.php?oldid=117641
verbok [o.n.]
1. tolu u biesse des doûcès croeyances walones, k' a l' tiesse et les pîs d' on bok, et l' coir d' èn ome avou des grands vetes pwels. Li diale a-st arivé avou ene drole di biesse k' i moennéve, tot lyi criyant "Hû, verbok" (rat. da T. Delogne). Li Djôzef n' esteut nén trop seur, li verbok li vleut a tot moumint souker (E. Benoit). F. bouc vert, satyre, chèvre-pied, "verbouc".
2. crodjambot po les efants, mins purade po les djonneas el les djonnetes ki sont foû-z et houte, ki court après zels et lzès souke al fén do porshuvaedje. Padrî l' houyire del Vå Bnoete, gn aveut-st on verbok (Motî da Haust). Mannet djonne ome ki vs estoz, avoz veyou les coines do verbok ? (Motî da Gilliard). [1] >> esse porshuvou do Verbok: n' aveur nole tchance. F. avoir la guigne, la malchance.
3. (pa stindaedje) ome k' on voet evi, mannet u vicieus. A l' rossea verbok, ci-la ! Mais alez vz î fiyî, vozôtes, a ç' laid verbok la : i s' pout co måvler et si rvindjî (J. Selvais). F. salaud, débauché, homme grivois, luxurieux. [2]
4. veråt. F. verrat. >> esse glot come on verbok: esse foirt glot. F. gourmand. . >> nareus come on verbok: nareus come onk k' a s' narene ki racrole a l' odeur d' on veråt. F. sensible aux odeurs, délicat. [3]
5. [o.n.] (pa stindaedje des fåves almandes, la kel verbok potche ådzeu d' l' Aiwe do Rin). [4] cok d' awousse. Ele schoûte les gros verboks ki fjhèt tchîpyî leus rexhès pates (J. Calozet). F. sauterelle verte. [5]
6. usteye ki va bén, copurade ene pitite îpe al mwin. On dit eto: zigzag; Loukîz a : diale. F. herse. [6]
Etimolodjeye : cawete gayele "ver-" (cawete for-) + bodje (bok), teribe bok, bok candjî a ôte tchoi; [7] pal voye do tîxhon [8], ricomprins come l' aplacaedje di "vert + bok". [9]