|
|
Page des écrivains de la région de La Louvière. Li pådje des "auniatîs". |
|
|
|
Page des écrivains de la région de La Louvière. Li pådje des "auniatîs". |
|
Dressêye:
On dzôrniant fait divers a Brussele: on scolî turk, 17 ans, si margaye avou on camaeråde di classe; i va rcweri on fuzik e si måjhon, et s' rivént touwer l' ôte e fén mitan del sicole.
Schaerbeek, el 7 d' octôbe 1996
Co yun
Yun d' pus
Yun d' trop...
In èfant moûrt
In gamin d' catorze ans
Abatu a l' escole
L' escole del dierinne tchance
El cine pou les rbuts,
Les rfoulès,
Les cîs k' on n' vût pus
Alieû...
I fåt lêchî les poûris
Des corons poûris
Dins les escoles poûriyes !
Fåt in triyâdje, tout l' minme !
Come pou les pètotes,
El kèrbon,
Les yordûres...
Sinon, ayusk' on s' in va ?
Inchène
Les èfants k' on n' vût nule pårt,
Les ètrandjirs, les rbèleus
Les vårins
Les rbrougnîs du sistème...
Min cwèsk' èle dèvint l' colère
K' on cache a stoufî
In l' rinsèrant ?
El set d' octôbe å matin,
In gamin a saki
Su in ôte gamin
Pou in djesse dè cresse,
In mot d' trèvî...
In èfant est moûrt
Pou rin
Eyet in ôte
Es-st in infiêr...
Il a lon dè Schaerbeek a Byzance.
Jacqueline Boitte, divins: El mouchon d' Aunia, 4-1996.
Accent de Haine-Saint-Paul (région de La Louvière): nin, bin, rin se prononcent nî.n', bî.n', rî.n'.
La page de J. Boitte en orthographe pan-wallonne.
Harmonisation des graphies des textes régiolectaux présentés sur ce site: véci.
(Back homepage) Alans rzè al mwaisse-pådje
(Back textes ouest-wallons) Erdalons èviè les scrîjâdjes è walon d' Châlèrwè eyet d' avå drola.
(Back page des confins wallo-picards) Sicrijhaedjes di l' aschate eter walon et picård.
La page des écrivains du Centre en orthographe pan-wallonne.
Sacwants scrijhaedjes di cisse waibe chal polèt esse dizo abondroets; nos les rsaetchrans foû s' i fåt.
Some texts published on this site may be affected by copyrights and eventually need to be removed in the future.
