Dressêye:

• Roman: li Ptit Bert: Pôvriteus djous
• Page plus fournie, en wallon commun. Pådje da Laloux, recråxheye, e (rfondou) walon.

Pôvriteus djoûs.

Jours Maussades

Vola ttaleure trwè samwinnes k' il est sul lét,... a s' disbèli. Ayi, ça frè trwè samwinnes, djûdi ki vint. I lèvint one pîre zels cate : Djan d' èmon Djåke, li Blanc Goyèt et l' Gros d' èmon l' Rodje Manman.

Voilà presque trois semaines qu'il est sur le lit, à régrésser. Oui, ça fera trois semaines jeudi prochain. Ils levaient une pierre à quatre . Jean di chez Jacques, le Blanc Goyet et le gros de chez la Manman Rouge.

Li Ptit Bert ride å rviêr sul såvlon k' est tofêr frèch et ènaliss addé l' sôyriye. Comint n' a-t i nin tchèyu mwârt ? Ayayaye ! Si gåtche djambe. Come s' il åreut l' èglîje di Dorène dissu. Bin sûr, elle esteut språtchiye, a tos bokèts. Après côp, i djurreut bin awè oyu crochi... Adon, li må a lanci, a pondu djusk' a s' coûr. Et l' pîre rôstéye, can on-z a sayi tot doûsmint do rlèvè li Ptit Bert,... hagne su tes dints, tant ki t' vous ! Il a falu flåwi... A-z î rtûzant asteure, i soûwe cor a grossès gotes.

Le petit Bert glisse en arrière sur le sable qui est toujours mouillé et glissant prés de la scierie. Comment n'est il pas tombé mort ? Mon dieu, sa jambe gauche. Comme si l'église de Dorine lui était tombée dessus. Bien sur elle était écrasée entièrement en morceaux. Après coup, il jurerait bien avoir entendu craquer

Li médcin a cåzè d' fracture du col du fémur, et k' i nn aveut bin po yût samwinnes. Et vo l' la asteure avou s' djambe come mwate, ki n' est pus da li, et on pwès d' cink kilos ki satche dissu. Et des djoûs et des nêts a baloûji, a n' rin foute.

Li solia ki vint cwésyi tot timpe è s' tchambe li dispiète k' i n' est pont d' eure. A-t i seulmint soctè on cårt ?... Dire k' i gn a ki vôrint si bin fè payasse ! I s' rèdwame one miète k' i fêt djoû, mins i n' fåt k' one tchèyêre ki boudje ol coujène po l' diwêbyi a bon. Et c' est tote one djornéye a dtchurè sins cåzu wazu choûtè sonè les eures et les dmeyes a l' èglîje. One prandjêre kétfiye après nonne, po s' rèwèyi tot frèch di tchôd. Et cand l' vespréye tote basse distchind pal finiesse, èco todi l' nêt por li tot seu, a rwêti o nwâr.

La sacwants djoûs ki ça va one tote pitite miète mia. Co tènawète come one crèchince ki djômîreut è s' hantche. Pwis, tot doûsmint, c' e-st one gueuye di tchin k' el apice on pô dzo l' gros dol fesse; i hagne, i clawe ses brokes todi pus fond; co bin deus eures asto. Pwis ça èva come ça a vnu. Li må crèt d' å lon, direut on, did fwârt lon, come foû d' li. Et ça distind doûsmint ossi; ça rmousse ôte påt, dins les linçoûs, chone-t i. Après on bokèt, li Ptit Bert a seulmint l' idéye k' il est bin è s' pia; ossi lèdjîr k' on lîve di plomb. I n' si waze rimouwè, peu ki ça n' rivègne.

Li solia d' dîj eures tchêt pal finiesse d' aplomb su les pavés. Come c' est dèdja sul difin d' mêy al cårière, c' e-st après li riddjunè. Papa lî a dit k' i vont fè des pilès por one èglîje d' aviè Tamène.

Des pilès ! Fi dè Dieu ! Su tote li wôteu do lét d' cårière. Li Ptit...

(a sûre)

Auguste Laloux: Li ptit Bêrt, SLLW, 3e éd. 1985.

Cassette : SLLW

Harmonisation des graphies des textes régiolectaux présentés sur ce site: Årmonijhaedje

(Back homepage) Alans rzè al mwaisse-pådje

 (Index par auteur) Indecse des oteus

(Back textes centre-wallons) Po raler al pådje des scrîjadjes è walon do payis d' Nameur.

Sacwants scrijhaedjes di cisse waibe chal polèt yesse dizo abondroets; nos les rsaetchrans foû s' i fåt.

Some texts may be affected by copyrights and eventually need to be removed from this server in the future.