Dressêye:

• Nos deus arondes
• A l' aprotche del bontins, tot ravike, minme les djins!

• La même page enrichie et normalisée. Modêye e rfondou walon.

Nos deus arondes.

Belès arondes, vinoz come chake anéye,

Au mwès d' avri, ragaiyi l' måjonéye

Estoche les binvnouwes dizo nosse bon twèt

Ki v' garantirè del plève et dè frwèd.

Ki l' bouneur vos enonde, djintiyès arondes !

Il a fait bia tote li saminne,

Elle ont tchafté å dzeu d' nosse twèt:

"I court di l' air, ça våt les pwinnes,

L' air des campagnes et l' air des bwès!

K' elle est påjêre vosse bèle måjone

Avou one blanke bårîre padvant !

C' e-st one bele tere, li tere walone,

Ossi, tos lz ans, nos î rvêrans."

Po v' mete a hute, i n a assez del place

Dizo nosse twet ki vos sièvrè d' terasse,

Et po-z acléver one djweyeuse nitéye,

Batichoz vosse ni, mes deus bininméyes

Dissu les sovrondes, djintiyès arondes,

Fioz vos amoûrs påjêrmint, sins tapadje,

Po k' i nos vegne après vosse bia ovradje

Des spitants ptits djonnes ki rvêront e 2001,

Dins on an, bin seur, su l' difin d' avri.

Su vos deus dji compte, djintiyès arondes !  

Au mwès d' setimbe, par one djoûrnéye pus frisse,

Vos leyroz vûde po sèt mwès vosse lodjisse,

Et mi, anoyeus, choûtant vos cactadjes,

Dji vièrè nn aler por on long voyadje

Vosse bråve pitit monde.

Arveuy, mes arondes !

Henri Lerutte, divins: L' Oronde, pitite gazete d' après Hanu.

 (Back homepage) Alans rzè al mwaisse-pådje

 Harmonisation des graphies des textes régiolectaux présentés sur ce site: årmonijhaedje.

 (Back textes centre-wallons) Po raler al pådje des scrijadjes è walon do payis d' Nameur.

 (Index par auteur) Indecse des oteus

Sacwants scrijhaedjes di cisse waibe chal polèt esse dizo abondroets; nos les rsaetchrans foû s' i fåt.

Some texts published on this site may be affected by copyrights and eventually need to be removed in the future.