Les proverbes wallons de Gaston Lucy.

Les spots då Singlé

E, F, G, H, I, J, K, L, M


ectâre Il è çant mile ectâres du brouyard su la Smwa.

êder Met zî du tinne èt l' Bon Diu t' êdrè.

èfet Il è dpu d' gueûye ku d' èfet.

èglîje Aler tchîr al èglîje èt dire ku c' est les sints.

èglîje Dulé l' èglîje, lon du Bon Diu.

èglîje pôve coume in rat d' èglîje.

egzimpe Les egzimpes du passé n' ont rin apri a l' oume.

ékivoke Il astot su l' ékivoke.

ene I nn è k' d' ene.

ene I n' a dit k' ene d' in côp.

èritadje Vinte n' est nin èritadje.

Erôde Ruvoyî d' Erôde a Pilate.

ersè C' est l' eûre k' il astot ersè a ces eûres ci.

escuze Les escuzes sont fwêtes pou s' a siêrvu.

esperance Tant k' i gn è dul viye, i gn è d' l' espérance.

esperiyince Lu timp èt l' esperyince c' est deûs grands mwêsses.

esperiyince L' esperyince du passè n' aprind rin ås oumes.

espliker Çu k' on sét bin s' esplike bin.

èsté Esté fwârt tchôd, anéye d' åbussons.

èsté Çku l' èsté rascwèd, l' iviêr lu mwindje.

etchantiyon Dju sé çu k' a våt l' ètchantiyon.

eûre Dju vôro zesse rudjiblé a çant-z eûres dud ci.

èvèke Dupu k' èn èvèke n' a bènirot.

èvèke I nn uze ostant k' en èvèke n' a bènirot.

évêke Pou in djou k' l' évêke vint.

êwe Il tumot l' betch a l' êwe.

êwe Les êwes vont toudi ou bî.

êwe I m' met l' êwe al boutche.

êwe I n' trouvrot nin ene pîre moyéye a l' êwe.

êwe Su catchî dins l' êwe cand i plût.

êwe Crwa l' èt bwès d' l' êwe.

êwe Ostant voudî d' l' êwe dins in panî.

êwe On lî frot bate l' êwe.

êwe I gn è pasrè d' l' êwe duzou l' pont.

êwe Toute niche êwe su raclérich

êye Sin-z êyes, l' ojê n' sårot voler.


fame S' i prind c' fame la, il årè cate sôrtes du tchår: doul gueûye, dou drî, doul pate èt dou grougnon.

fame Çu ku la fame vut, fåt k' ça s' fwêche.

fame Les djonnès fames èt les vîs tèts, fåt toudi esse dussu.

fame Cand i plûrot co des viyès fames.

famiye Fåt lâver sa niche buwéye a famiye.

famiye C' est in flèyo d' famiye.

feneyant S' il a wêrot in pu fènèyant k' lou, i s' batrot avu.

fèrer Esse fèré des cate pîs è du muzê.

feû Il est bon pou mète lu feû è l' êwe.

feû On n' dirot k' il è l' feû ou cu.

feû Fwêre la pårt du feû.

féve I n' fåt nin vey luver les féves ou mwès d' avri, mé i n' fåt nin les planter ou mwès d' mêy.

fèvrî C' e-st in solê d' fèvrî.

fié Il è du fié a rtwade.

fiêr I fåt taper sul fiêr timp k' il est tchôd.

fiêr C' est l' pot d' tère suconte dou pot d' fiêr.

fin A l' fin du compte.

fin I gn è ene fin a tout.

fin C' est la fin ki courone l' ovradje.

fin Lu cî ki vut la fin vut les moyins.

fizik aler al tchesse avu in fizik du tåye.

flate In bê cu d' flate nu dmère nin sin stron d' tchin.

flateû Lu flateû vike ås dépens du cî ki l' choûte.

flåwe I fwêt coume lu rnåd dul flåwe.

flèyo Dju va dustoûner l' flèyo.

fligote A fligote a migote.

S' il a wêrot in pu fô k' lou, i s' batrot avu.

Tout fô

fond Couniche lu fond du pot.

fond Lu cî ki n' sét nèdjî va å fond.

fontinne I n' fåt jamwê dire: "vous, fontinne, dju n' bwâré jamwê d' voste êwe."

fort C' est souvint l' cî k' è twârt ki criye l' pu fwârt.

fortune C' est pu malåjî du tnu ene fortune ku d' la gangnî.

fosse Mète la clé s' la fosse.

fosse Aler pichî s' la fosse du kékin.

fosse Aler pichî s' la foce du kékin

foule Dju sû la foule.

fouler I n' su foule nin la misse.

fourloumer fourloumer kékin, bin sovint c' est l' vanter.

fourloumer Si on dîrot k' t' es vayant, on t' fourloumrot.

foutche Il è la lingue a foutche.

foutu Il est foutu coume cate sous.

foye Lu cî k' è peû des foyes, nu dèt nin aler ou bwès.

foyon I mousrot dins in trô d' foyon.

franc franc coume in tigneû.

Francès Les Francès ? bèle intréye èt lêde sortiye.

fréje Lu coucou n' tchante pu cand i l' è mwindjî des frèjes.

frijî Il est frijî coume lu bwârd d' in tèt du strin.

froteû C' est un froteû d' mantche.

froumadje I n' fåt nin lêchu l' tchet dlé l' froumadje.

frût On rcounut l' åbe a ses frûts.

Il est fû-z èt houte.

fûr Annéye du fûr, anéye du rin.

Furdin Il è l' må Sint-Furdin.

fwace Conte la fwace, i gn è pont d' rèzistance.

fwace On-z è ataké sîjant ses fwaces.

fwârt Lu cî k' est l' pu fwârt è toudi råjon.

fwârt Il est fwârt coume in Turk.

fwêre Fwê çku t' dès, arive adon c' ki dèt.

fwêre Si tu fwês ça, dju t' tchiye in lîve a courant.

fwêre Ça n' fwêt rin.

fwin I n' è nin pu fwin, k' Mûze n' è sè.

fwin Lu cî k' è fwin è pont d' oreyes.

fwin La fwin tchesse lu leû fû dou bwès.


gade Ele su met su s' dos pu åjîmint k' ene gade su ses cwanes.

gade Eyûsku la gade est loyéye, i fåt k' ile mwindje.

gadje Dmèrer ås gadjes.

galêre Ostant esse ås galêres.

galète C' est dul galète parèye å pwin.

gangnî Nu nin gangnî la cawe d' ene pårt.

gangnî On n' put nin toudi gangnî.

gangnî C' est les nôs k' ont gangnî.

gangnî On n' dirot k' i n' è ni piêrdu ni gangnî.

gangnî Lu cî ki n' sét côper s' pwin nu l' sét gangnî.

gangnî Gangnî les bwès.

gåtchîr I cåze gåtchîr.

gay Mu v' la gay.

gayète Sîre gayète.

gazète C' est la gazète dou cwin.

gorile C' est çk' i gn è d' mî dins les goriles.

gousse Toutes les gousses sont dins la nature.

gousse C' est sa gousse, èbin c' est ses afwêres.

gousse Tchèkin sa gousse; c' est coume la trôye ki mwindjot du stron.

gousse Ça n' è ni gousse ni cåze.

grâce Ça est vnu pal grâce du Bon Diu.

gragne I rèche co bin pal gragne.

gragne Cand i cåze, i rèche pal grègne.

grandeûr Çu n' est nin pa grandeûr.

grêsse Viker s' sa grèsse.

grêsser Grêsser les pates.

grèter Çu n' est nin a grètant l' må k' on l' guérich.

grèter Trop grèter dusmwindje, trop cåzer fwêt do twârt.

grèter Lu rougneû n' è k' a s' grèter.

grijner Ene tiêsse du fô nu grijune nin.

grin Il è mètu s' grin d' sé dins la potéye.

grinne C' est doul grinne du curieûs.

gros-betch I tire ås gros-betch.

gros-betch In gros-betch dins la mwin våt mî k' in canârd ki vole.

gros-betch On n' prind nin les vîs gros-bètch avu du strin.

grougnî Grougnî su s' vinte.

grougnon C' est trop tchôd pou t' grougnon.

gruwe I fwêt coume les gruwes: il ava après l' bon timp.

guere Gn è pont d' si mwêje guére ki gn a chape on sôdård.

gueûs I gn è rin d' si grandiveûs k' in gueûs parvunu.

gueûye I fwêt d' sa gueûye.

gueûye Esse dins la gueûye du leû.

gueûye I tchôke toudi sa gueûye eyû k' ene trôye nu tchôcrot nin s' cu.

gueûye Il è la gueûye afiante.

gueûye Våt mî in côp d' trike k' in côp d' gueûye.

gueûye In côp d' gueûye est vite duné.

guêy Il est guêy coume ene pwate du prîjon

guêy Il est guêy coume in pinson.

guiye Ramasse tes guiyes èt tes djonnes èt pète vôye !

gurnouye Çu n' est nin lou la cåze ku les gurnouyes n' ont pont d' cawe.

gurzion Tout mwès d' avri è ses gurzions.

gwadje Mète in pî s' la gwadje.

gwadje I lî è metu la pince su la gwadje.


hanter I n' fåt nin hanter dtrop l' curé pask' i t' mwindjrè.

hanter On dvint coume les cîs k' on hante.

haper Dj' arva avu çku dj' ê hapé d' pèchons.

haper On n' hape nin deûs côps la mére ou nike du lîve.

hapéye I a ene bele hapéye du ça.

håsse Awè håsse

hatche Il è sté fwêt al hatche.

hatchi Fwêre hatchî les mârons fû du feû.

hatchî Hatchî la pate.

hatchî I hatche lu diâle pal cawe.

hatchî I s' fwêt hatchî pal oreye.

hay I n' sét pu hay

hirpe Ene boune hirpe det awè tous ses dints.

hossî On hosse tant in piket k' on l' råye.

hoûler On-z aprind a hoûler avu les leûs.

hurlulète Il è des oûy d' hurlulète.


idéye I gn è dpu d' idéyes dins deûs tiêsses ku dins yène.

idéye On n' counut nin sn idéye.

idéye Ostant d' tiêsses, ostant d' idéyes.

innmi Si tu vus awè des innmis, prusse des sous.

inocin Ås inocins les mwins plinnes.

insule Duner des insules, c' est la pårt du cî k' è twârt dins ene dispute.

insulter L cî k' insule mu tchin m' insule.

insulter Il insultat l' Bon Diu.

istware O, c' est istware du dire.

iviêr Cand on-z è l' iviêr duvant l' Noyé, on l' è deûs côps.


jinnant T' es pu jinnant k' in çant d' puces.

jinne Eyuski gn è dul jinne, i gn è pont d' plêji.

Judas Il è coume Judas, il è l' poy rousse.

jumant Côp d' pî d' jumant, nu fwêt pont d' må ou roncin.


I n' sét pu des kés.

kelconke Elle est kelconke.

kère I nn è d' kère.

kêre Ku l' diâle tu vinche kêre.

kèru Kèru la ptite biêsse.

kèru Lu cî ki kère lu dandjî l' trôvrè.

kesse Dju n' sé ni cwè ni kesse.

keûr Souper par keûr.

kia Il est a kia.

kine C' est kine.

kinte Awè kinte èt 14 è l' pwint bon.

kite Kite û doube.


la (esse la) Les cés ki sont la n' sont nin meyeûs k' les cés ki n' î sont nin.

la (esse la) Lu cî ki n' est nin la è toudi twârt.

lacê C' e-st ene soupe å lacê.

lådje Il est lådje, mé des spales.

lance Våt mi in côp d' lance k' in côp d' gueûye.

lapin I srè dabôr coume les lapins.

lård I n' sét nin s' c' est dou lård û dou couchet.

lasse Esse lu cu al lasse.

låtchî Cand les coks sont låtchîs, i fåt wårder les pouyes.

latin C' est a-z î piêde su latin.

lêchî I n' lêche nin ene gade a raclôre.

lêchî Lêchî an plan, an rak.

lêchî I fåt lêchî plûre.

lêchî Î lêchî des plumes.

lêd Lêd coume in pû.

lêd Lêde coume lu pètchî.

lèdjir Lèdjîr coume ene plume.

lèdjir Il è la mwin lèdjîre.

letchî Lu cî ki n' su sougne nin a mwindjant nu l' frè nin dpu a s' lètchant.

letchî I n' ont k' a lètchî leûs pléyes.

lètchî I n' lètche nin les mèrs.

leû I fåt ahoûler avu les leûs.

leû Esse dins la gueûye du leû.

leû I n' fåt nin rassèrer l' leû al bèdjriye.

leû Cand on cåze du leû, on-z a wet la cawe.

leû I gn è dpu d' in leû dins l' bwès.

leû On mousture toudi l' leû pu gros k' i n' est.

leû Lu leû k' est crevé n' mwade pu.

leû Tin ku l' leû chite la burbi s' såve.

leû Il è vû l' leû.

leû Les leûs nu s' mwindjat nin assanne.

lignî Pou in bwagne, i n' ligne nin må.

linçû La lizîre nu våt nin mî ku l' linçû.

lindje Fåt lâver s' niche lindje en famiye.

lingue Il n' è nin sa lingue a sa potche.

lingue Dju l' ê s' la lingue.

lingue Dju dène ma lingue å tchet.

lingue Il è ene lingue a trante-chî toûnants.

lingue Il è la lingue a foutche.

lingue Tnu sa lingue duzou s' pî.

lingue Awè la lingue bin pinduwe.

lingue Il è ene lingue du vipêre.

lingue Il è la lingue a foutche

linne On n' ramasse wêre du linne a razant l' cu a in couchet.

lit Come on fwêt s' lit, on s' coutche.

lîter Les pouyes a sont lîtéyes.

lîve Si tu fwês ça, dju tchiye in Iîve a courant.

lîve Les lives ruvnat toudi al coûtchète.

lîve Eyusk' i gn è des lîves, i gn è des tchins pou les couru.

lîve On n' court nin deûs lîves d' in côp

lizîre La lizîre nu våt nin mî ku l' drap.

loke Il è tumé a lokes.

lon I s' put vanter, l' cî ki vint d' å lon.

lon I n' va nin pu lon k' on nu l' poûsse.

lon I rvint dud lon.

londmwin Toutes les fiêsses ont in londmwin.

longueûr Tirer a longueûr.

loûre Les cwate solês vont loûre.

loûre Lu solê loût pou toulmonde.

lower I vindrot èt l' lower k' i n' î wêrot rin.

loyî Eyusse ku la gade est loye, i fåt bin k' ele broustiye

loyî Eyûsku la gade est loyéye, c' est la k' i fåt k' ile mwindje.

lukéye Lu bê timp n' derrè nin: lu solê loût pa lukéyes.

lune Lune de miel, pî rousse lune.

lune I n' è nin hapé la lune avu ses dints.

lûte C' est la lûte du pot d' tère conte lu pot d' fiêr.

luweûr La luweûr cousse tchîr.

lver I s' è lvè lu cu l' prèmî.

lwa Les lwas c' est coume des aragniyes, ile hapat les mouchètes, èt les grossès mouches les crèvat.


I gn è nin si grand må k' i gn è in ptit bin a costé.

On fwêt souvint må a vlant fwêre trop bin.

Pu d' må, pu d' mèrite !

In må n' vint jamwê tout seû.

Çu n' est nin a grètant l' må k' on l' guèri.

Lu må des ôtes nu compte nin.

I fåt prinde su må a pacyince.

Lu må nnîrè avu lou.

I n' frot nin du må a ene mouche.

In frot nin må a ene pîre.

Mète lu dèt sul må.

Mète la mwin sul må.

Il è l' må Sint-Tape-tu-la.

Il è l' må Sint-Furdin.

Lu cî ki t' cåze a må des ôtes cåze a må d' ti ås ôtes.

Lu cî k' è des sous n' sårot må fwêre.

Çu n' est k' a dmi må.

Lu må vint pu vite k' i n' arva.

maçon C' e-st å pî du mèr k' on wèt l' maçon.

Madlinne A l' Madlinne, les noûjètes sont plinnes.

måjon A leû måjon, cand i n' plût nin, i goute.

måjon Fwêre måjon nète.

måjon I n' fåt k' in mwêsse dins ene måjon.

måjon Pou-z achter c' måjon la i fåt deûs boûsses.

Malbrouk Tchante lî Malbrouk.

malèreûs Çu ki console in malèreûs, c' est k' i n' est nin tout seû.

maleûr In maleûr nu vint jamwê tout seû

maleûr Lu maleûr aprind a viker.

malin Si diâle est pu malin k' lou, c' est k' il est pu vî.

malin Il est témint malin k' i dusmelrot bin les grossès pwâres des ptites.

malin Lu pu malin s' fwêt atraper.

malin C' est l' pu malin k' atrape l' ôte.

malin Fåt-z esse malin pou fwêre lu fô.

malin Il est pu malin ku l' diâle.

målvå Il est toudi a malvå.

mantche 1 Il est dins sa mantche.

mantche 1 C' e-st ene ôte pwêre du mantches.

mantche 2 I gn årè des mantches a mète.

mantche 2 Çu n' est nin lou ki mètrè in mantche a in grand vant.

mantche 2 I hosse ou mantche

margurite Dire la frantche margurite.

mariadje Mariadje dumande mènadje.

marinde I n' fåt nin s' mète a route sin marinde.

marinde Çu n' est nin al marinde des tchins k' i fåt aler pou-z awè des och.

mårlî Cand i plût sul curé, i tume des goutes sul mårlî.

maron Fwêre hatchî les mârons fû du feû.

marote A tchèkin sa marote.

mârs Cand mârs truve ses potet plins, i lzî lêche; s' i n' î sont nin, i lz aplani louminme.

mârs Rin n' våt la taye du mârs.

martchand In bon martchand dèt sawè minti.

martchand Lu martchand ki piêde nu put nin rigoler.

martchand Ç a n' vut nin dire k' on-z est bon martchand pask' on gangne toudi dins l' coumerce.

martchand Tous les martchands sont minteûs.

martchandîje Personne nu mèprije sa martchandîje.

martchi Il avot l' martchî al mwin.

martchî Cand on l' voye ou martchî on n' rè rin.

martchî Mète lu martchî s' la mwin.

Mårtin Pou in clå Sint Mårtin è piêrdu su tchvå.

Mårtin Gn è dpu d' in bådet ki s' loume Mårtin.

maryî Su maryî dzou la tchminéye.

maryî Su maryî in côp, èt mouru in côp.

maryî Mariye-tu, nu t' mariye nin, tu toûnrès toudi a rin.

maryî I gn è des côps ku l' cî ki s' mariye n' est nin al nwâce.

maskyî I fåt tout lî maskiyî.

matin Çu k' on dit du matin est pa des côps nin lon doul vespréye.

Måvjin C' est du cafè k' on wêrot Patiniye èt Måvjin a traviêr.

mawe Fwêre la mawe.

maye I n' è ni sous ni mayes.

mècouye C' e-st in mècouye.

mèdaye Il årè ene mèdaye du cûr.

mèdaye Il årè ene mèdaye avu in couchet dsu.

mêgue Il est mêgue coume in soret.

mêgue I gn è co dpu d' mêgue ku d' crå dins la viye.

mèlasse I promet pu d' bûre ku d' froumadje è al fin on n' è nin co dul mèlasse.

mèler Lu diâle s' a mèle.

mémènto Il est ou minme mémènto.

mémware I fåt awè ene boune mémware pou polu esse minteû.

mémware Cand on n' è pont d' mémware, il fåt awè des bounes djambes.

mènadje Mariadje dumande mènadje.

mér I bwarot la mér èt les pèchons.

mér Çu n' est nin la mér a bwâre.

mèr C' e-st å pî du mèr k' on wèt l' maçon.

mèr I n' lètche nin les mèrs.

mèr Mète kékin ou pî du mèr

mèraye Les mèrayes ont des oreyes

merci Pou in merci, i n' fåt pont d' potche.

merci I n' fåt jamwê dire merci d' avance.

merci Nu dis nin merci si tu n' l' è nin.

mére Vass vey si ta mére nu s' brûle nin.

mére El russanne sa mére.

mérites Pu d' må pu d' mérites, pu d' pourcê pu d' tripes.

mervèye C' est bin d' mervèye.

messadjî I gn è nin si bon messadjî k' lou-minme.

messe On dit bin basse messe dins ene grande èglîje.

messe On n' dit nin deûs côps messe pou les choûrds.

messe Si l' solê loût s' l' åté l' djou des tchandeyes timp d' messe, lu leû rinture dins s' trô pou carante djous.

mète Nu m' î fwêt nin mète.

meur Cand la bloce est meûre, ile tume al valéye.

meûr Il est fin meûr.

meûr I fåt cwède la pwâre cand ille est meûre.

mêy Cand i plût ou mwès d' mêy, i plût des pîces du 5 francs.

mêy Mariadje du mêy, c' est toudi mwê.

meyeû Les cîs ki sont la n' sont nin meyeû k' les cîs ki n' î sont nin.

meyeû martchî C' est meyeû martchî k' a crédit.

C' est çk' i gn è d' mî dins les goriles.

Lu mî, c' est l' innmi du bin.

On n' est nin mî a ene place k' a l' ôte.

midi I passe mîdi a m' vinte.

miel I nn irè avu l' miel a s' cu.

migote A fligote a migote.

mile Mile a mile c' est pu d' carante.

mimbe Våt mî piêde in mimbe ku tout l' cwâr.

minteû Lu cî k' est minteû est voleû.

minti I put minti l' cî ki vint d' å lon

minti I minte coume ene aratcheû d' dints.

mintriye Ostant conter ene grosse mintriye k' ene pitite.

mintriye Ene mintriye va vite.

mintriye Cand on vut dire des mintriyes, on n' è k' a-z anoncî l' timp.

miråke I fwêt dupu d' toûrs ku d' miråkes.

misse I n' s' è nin foulé la misse.

mitchète Aler rkêre ses mitchètes.

mizére Maryî la mizére avu la pôvurté.

mizére I s' è lancî dsu coume la mizére sul pôve monde.

môde Tchèke payi, tchèke môde.

molin On årot dit in molin a vant.

molin C' est in molin a paroles.

molin C' est coume dins in molin, i gn inture èt i gn a rèche a tout moumint.

molineye C' e-st ene molinéye.

molinéye I cwat vey ene montagne dins ene molinéye.

monde I s' è lancî dsu coume la mizére sul pôve monde.

monde I fåt d' tout pou fwêre in monde.

monner I monnrot bin les pouyes pichî.

monnî Lu monnî è la mwin lådje.

montagne I wet ene montagne dins ene molinéye.

montagne I gn è pont d' montagne sin valéye.

montagne I gn k' les montagnes ki n' su rascontrat nin.

monter Les crapåds n' montat nin s' les tèts du scaye.

moru Fårè bin prinde lu timp d' moru.

moru Ostant moru ku d' piêde la viye.

mouche I n' frot nin du må a ene mouche.

mouche Les lwas c' est coume des aragniyes, ile hapat les mouchètes, èt les grossès mouches les crèvat.

mouche I sont a ostant ku d' mouches su ene ansinî.

mouche Cand on tuwe ene mouche, i gn a vint çant.

mouche Tuwer deûs mouches d' in côp d' loke.

mouche Aprés nouzôtes, les mouches.

mouche Ké mouche ki l' è piké ?

mouchiant Il est mouchiant.

mounôye Rinde la mounoye dul pîce.

mounôye I paye a mounôye du sindje.

mouru Su maryî in côp, èt mouru in côp.

mouru I gn a mûrrè k' les pu malådes.

mouru Cand i mûrrè, les lwès iront a sn atermint.

moussirê La pîre ki roule nu ramasse pont d' moussirês.

mouståde C' est dul mouståde après dîner.

moustrer Dju lî mousturrê du ké bwès ku dju m' tchåfe.

moutchî I n' su moutche nin avu l' pî.

mouton Lêchans pichî l' mouton.

mouvmint Lu prèmî mouvmint n' est nin toudi l' meyeû.

moyin Tous les moyins lî sont bons.

musti Tchèkin s' mustî èt les vatches sront bin wårdéyes.

musti I gn è pont d' sot mustî.

musti I gn è nin si ptit mustî ki n' noûrit s' mwêsse.

mustî Tchîr, c' e-st in mustî k' toulmonde counut.

mustî Lu cî k' è in bon mustî n' put må.

Mûze C' est nin lou k' è pichî Mûze.

Mûze I n' è nin pu fwin, k' Mûze n' è sè.

muzê I fårot esse fèré des cate pates èt du muzê.

mwade I fårot bin k' les tayans l' mwadrint: coume ça, i bizrot ptète.

mwârt Il è fwêt coume les couchets, il è rapwartè dpu après sa mwârt ku du s' vicant.

mwârt Il årè ene douce mwârt.

mwârt La mwârt est lu rméde a tous les mås.

mwârt Lu cî k' est mwârt nu vike pu.

mwartî Est c' des pîres û dou mwartî ?

mwès Lu ptit mwès est l' pu mèchant des mwès.

mwêsse Lu cî k' est mwêsse est mwêsse, la grandeûr n' î fwêt rin.

mwêsse On trôve toudi s' mwêsse.

mwêsse Il è trôvé s' mwêsse.

mwêsse Té mwêsse, té vårlet.

mwêsse I n' fåt k' in mwêsse dins ene måjon.

mwêsse Esse a s' dêrin mwêsse.

mwêsse Cand on n' è nin mwêsse, i fåt s' continter du çki vint.

mwêsse On n' put nin siêrvu deûs mwêsses d' in côp.

mwêsse Lu timp è l' espériyence c' est deûs grands mwêsses.

mwêye Taper Sint Pîre al mwêye.

mwin Lu monnî è la mwin lådje.

mwin Djeûs d' mwins, djeûs d' niches tchins.

mwin Il avot l' martchî al mwin.

mwin Mète la mwin sul må.

mwin I n' fåt jamwê rmète a dmwin çk' on pu fwêre anute.

mwin Il è la mwin a crotchets.

mwin Ene mwin det lâver l' ôte.

mwin Si on lî dène la mwin, i prêrè l' brès.

mwindjî I mwindje coume èn ojê.

mwindjî Si lu ptit n' mwindje nin l' grand, c' est l' grand ki l' mwindjrè.

mwindjî Lu cî ki mwindje bon tchît mwê.

mwindjî I mwindjat toûrtous ou minme plat.

mwindjî Les gros pèchons mwindjat les ptits.

mwindjî Mwindje, couchet, c' est ta råcion.

mwindjî I n' î mwindjrè nin in satch du sé.

mwindjî I mwindje doul vatche aradjéye.

mwindjî Lu cî ki n' è pont mwindjî d' tchår du pîwitche n' è pont mwindjî d' bon boket.

mwindjî Il è mwindji l' vèrt èt l' setch.

mwindjî Mwindjî s' grin a yêbe.

mwindjî Mwindjî sin bwâre, c' est in rpas d' lapin.

mwindjî Mwindjî coume in leû.

mwindjî Mwindjî coume cate.

mwindjî I fåt mwindjî pour lou è tchîr pou les ôtes.

mwindjî Il è mwindjî s' blanc pwin duvant s' nwâr.

mwinne C' est in trisse mwinne.

mwinsse Rin d' pu, rin d' mwinsse.

mwintche Çu n' è nin lou ki mètrè in mwintche a in grand vant.

mzère I n' fåt nin awè deûs mzères.

mzèrer Cand on mzère pluzieûrs côps la minme tchôze, on trôve toudi du dèchet.

mzèrer Cand la burbi est tonduwe, lu vant lî est mzèré.


 (Back Menu proverbes Gaston Lucy) Pådje minrece des spots då Singlé.

(Back homepage) Alans rzè al mwaisse-pådje

(Back textes sud-wallons) Alans rza sul pådje des scrîjadjes a walon del Basse-Årdène

 (Back page de Gaston Lucy) Alans rza sul pådje dou Singlé